Tesalonik I 4
4
Paulus i soling su Kristen, su dogi hian monen ge.
1Mu ndere hian, iou ha soling ndro mu, le ngarn ad Ndorlaben Jesu, hian, girgai monen ge, na ge monen gane, dege iou gin bohernou le ndro mu, aga danmu i, mu ha dogi dege ogoro. 2Danmu sehe nongen iou gin bai le ndro mu le ngarn ad Ndorlaben Jesu. 3Jehova i ha lengi mu gdogi monen ge, mu na ge helian: Hian, e bieni longu ber sungsou. 4Homo ma homo i ibdi bihin homo aden ge gle nambulen, homo ma homo i gob mburer aden monen ge. 5Mbue hangungerou dege su Haiden, dansu Jehova bui. 6Mbue homo i behena longu ad ndern. Ndorlaben i surien longu masi momen, dege iou gin bai goru, iou gin bohernou le ndro mu. 7Jehova gin loh du iou ha dogi monen ge iou helian ge, i mbueren iou bo sungsou. 8Ar homo i bieni nongen adu ogo, i de bieni nongen ad hom ndramed bui, i bieni Jehova leri. I ge, i gin ilgi Meluan Helian le bergolmu. 9Heb nongen le golnisden su ndere, iou de hondre le ndro mu heb bui. Jehova gin henunuen mu, homo golnisden homo. 10Mu gin hinen dagara, golmuisden su ndern masi ber Masedonia. Io ndemani mu, mu ndere hian, golmuisden su monen gane. 11Hian, ghangurueni, dogi hian ge, gob mburer ademu monen ge le gan anmu, dege iou gin bai. 12Ha dogi monen ge le molengasu Haiden, mbue hanguruen longu asu.
Heb nongen le asu ginmad, ma Jesu gmeher lie.
13Mu ndere hian, iou ha lengi, danmu longu hendre e hendre le asu, su da ginmad, debosan ndrnemu i gosusngo, dege ndrnesu, de dansu heb le longu ber lang bugane. 14Dandu i hian ge, Jesu ginmad, boen i gin ndne lie, dagara dandu i, Jehova i da gin rui Jesu le gor aden, i rui su dagara lie le logna aden, su da ginmad. 15Aga heb nongen ad Ndorlaben, iou ha leng bosoui le ndro mu: Iou ber boan, iou da mamaren, iou da belengeni Ndorlaben, iou dege su, su da ginmad. 16Ndorlaben, ar ngasen aden i eloh su ndramed, ar ngasen ad Ndorlaben asu Angelo, ar ndan ad Jehova i loh, Ndorlaben i gmeher le boan lie. Su da ginmad le ngarn ad Kristo, su gedne lie hanu. 17Muren iou ber boan, iou la born ndro Ndorlaben, iou gobad le ndro i le ndoulang, iou da ge ndro Ndorlaben adu sidegesi. 18Hian, homo ma homo i hanguruen nongen ogo, i gob hian gle bergolmu.
موجودہ انتخاب:
Tesalonik I 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956