Tesalonik I 3
3
Paulus i mugmug le ngarnongen hian i gin hilou ndro i.
1Be iou da le gor Aten, 2iou gin rendegien Timoteus le ndro mu, i ndere adu, i lao dandendegei ad Jehova, i da gin bohernou longu le Kristo. Iou ha lengi i, i ghilou ndro mu, i osbani mu, gle ndoui ber lang. 3Debosan homo i heb ndoa bui be ngendian i da ndro i, danmu longu hendre: Ndorlaben i ha somui ri be ngendian i da ndro du. 4Goru, be iou da le molengamu, iou gin boharni le ndro mu gle ngendian, le rang momen i da beg meher ndro du. Longu masi gin meher, dege iou gin bai, aga danmu i. 5Be io da le gor Aten, heb nongen le ademu gin meher ndro io bui, io gin belengeni heb nongen, be i de gin meher bui, io gin rendegien le ndro mu, beg hirong i, mu derbe, mu hian de bui, mu ndoa gle ndoui ad Ndorlaben, de beld Satan gin seslaini mu, mburer adu gina dahed le ndro mu. 6Malabo ge, Timoteus i da gina le gor ademu, gin mul me ndro du, i gin bosoui me ndro du nongen hian ge le ademu, i gin bosoui me ndro du le ndoui ademu, gle golnisden ademu, i gin bosoui me ndro du mu hanguruen du sidesi, bergolmu gunuen hi bui, beg ilndri du lie. Dagara bergoldu gunuen hi bui, iou beg ilndri mu. 7Mu ndere hian, nongen ogo ad Timoteus le ademu, gin sobani du le rang adu momen, iou ndoa gleri. 8Malabo iou ndoa le mburer ad Ndorlaben lie, dandu i, mu ndoa gle ndoui ad Ndorlaben.
9Ehe, iou bamugueni Jehova sidesi, i gin hengen me ndro du, iou ha mugmug le ademu, le bormarn ad Jehova. 10Lorang e lobing, iou ha soling ndro i ndoun, i ghengen me ndro du, dandu ilndri bormarmu, dandu sobani mu gle ndoui ber lang, gle longu hendre e hendre i da ndro mu masou. 11Ehe, i ge, Jehova, Damen adu, ma Ndorlaben adu Jesu i ghinen sal adu gle ndro mu gmonen. 12Jehova i hengen le ndro mu, mu gmenda le golnisden aden, homo golnisden homo, golmugisden su ndramed masigane dege iou, golduisden mu ge. 13I ghinen bergolmu ndoa ge, i ghengen le ndro mu, mu gdogi monen ge le bormarn ad Jehova i Damen adu. Mu helian le bern ademu, ar Ndorlaben adu Jesu Kristo na gmeher lie, ma su lao aden helian la born ndro i.
موجودہ انتخاب:
Tesalonik I 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956