Tesalonik I 5
5
1Mu ndere hian, be rang e longu ogo na gmehere, dandu henunuen mu leri bui. 2Danmu i hian ge, rang ad Ndorlaben i gmeher, dege hom ndremda behena i meher lobing. 3Ar su ndramed bai: Malabo rang hian ge, malabo rang benu ge, longu momen ir ndounen su, dege ngendian i meher ndro bihin le ndurn, ndangen homo i de danen vob le longu ogo momen bui. 4Mu ndere hian, mbue ir dogi le ndrogmoan, debosan rang ad Jehova i gmeher ndro mu roud, dege ndremda behena i meher lobing. 5Mu mbunana ge ber rang, mu mbunana ge ber sul. Heb ndrogmoan, de heb longu ndrogum i da ndro du bui. 6Hian, mbue du medir, dege su medir, hian du mamed ge, su horuan ge. 7Su da medir, su medir lobing, su da ilmui ndrunvain, su da ilmui lobing. 8Iou ge, iou mbunana ber rang iou beg bandri le longu hendre e hendre momen. Iou beg ibdi ndoui ad Ndorlaben, aga salo adu ndoun ndoun ir bogulue mandru. Iou beg ibdi longu ber lang, iou ha belengeni i, aga ir bogulue borbaldu gle hian ge. 9Jehova i de rui du le gus aden bui, i de gdieni du le gord aden bugane, i ha lengi, Ndorlaben adu Jesu Kristo rumburdi du. 10I ginmad, beg sobani du, i ha lengi be iou mamed, de iou medir iou baghege ndro i. 11Hian, homo i sobani homo, homo i henunuen homo le longu ber lang dege mu gin hinen i.
Heb henunuen ad Paulus le ndro su Kristen.
12Mu ndere hian, iou ha soling ndro mu, ha mugueni su, su da bo mburer le ndro mu, su da bogulue mu. 13Golmugisden su, ghanguruen mburer asu, Jehova i lug benu le molengamu masi. 14Mu ndere hian, iou ndemani mu, vong le ndro su ndoun su de dogi monen bui, osbani su, su heb ndoa bui, osbani su, su da beg vob le lain asu lao ad Jesu, ir belengen su masi. 15Bogulue su, debosan homo i surien longu momen gle momen, hian, gob hian le ndro homo ma homo, dagara le ndro su masi. 16Ha mugmug sidesi. 17Bo raring sidesi. 18Gabmugueni Jehova le rang hian ma le rang momen, aga Jehova ha lengi mu ghinen i le ngarn ad Jesu Kristo. 19Mbue ir ndounen Meluan Helian. 20Mbue bieni nongen asu, su da boharni longu ad Meluan. 21Ha hirong longu hendre e hendre, ha somui ge longu hian. 22E bieni longu hendre e hendre momen. 23I ge, mandri i da ndro i, aga Jehova, i hengen le ndro mu, mu helian gane. Mu na ge monen le meluamu, le hanguruen ademu, ma gle mandrmu. I gobgulue mu, mabenan Ndorlaben adu, Jesu Kristo na gmehere. 24I ge, i da gin loh mu, irbogulue mu, i sobani mu gane. 25Mu ndere hian, osbani du le raring ademu. Io beani nongen le ndro su ndern masi. 26Io ha soling ndro mu le bormarn ad Ndorlaben. 27Io rendegien nongen ogo le ndro su ndern masigane. 28Golnisden ad Ndorlaben adu, Jesu Kristo, i da ge ndro mu.
موجودہ انتخاب:
Tesalonik I 5: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956