Petrus I 4
4
Mu ibdi ngendian ad Jesu.
1Kristo gin ibdi ngendian gle hauen aden. Hian, ghinen i dagara lie, hanguruen bern aden. Ar homo gin ibdi ngendian le mandrn, i danen hengang ge, longu momen de danen hosi i bui. 2Heb rang i da ndro mu malabo, heb rang ber boan ogo, mbue gob longu momen ber sengen ademu, gob mburer hian ge, dege Jehova i ha lengi. 3-4Eluen, eluen le rang ademu masi i da gineao, mu gin hinen i, dege su Haiden su hinen i. Mu gin bo longu momen, mu gin hangungerou momen, mu gin bo gous manden ge, mu gin ien, mu gin ilmui dsoln, mu gin dohor le ndro su beld. Malabo ge, mu da gin bieni bern asu sagen, mu de hinen i bui dege su da hinen i sidesi, meluasu i ieb leri, su boii mu ge. 5I ge, i gob gord le ndro su, i gdieni su i da beg meher heb eluen bui muren, le bo gord le ndro su mamaren, ma le ndro su, su da ginmad. 6I gin boharni longu hian ber lang le ndro su, su da ginmad lie. Mandrsu gina los, dege mandrsu ndramed masi Jehova i ha lengi, meluasu de somad bui, su mameren ge dege Jehova i da mamaren.
7Heb eluen bui muren longu masi ber boan gina boen, na glos. Hian ghanguruen i, be mu da raring. 8Homo golnisden homo manden ge. Ar homo golnisden, i danen ndrodhi longu momen mabosanged. 9Ha somui su la um ademu, su ber gor manan, mbue bangondrngondr be su da medir le um ademu. 10Homo i sobani homo gle memrad aden, Jehova i da gin hengen le ndro i, i ghanguruen memrad ad Jehova ge i gin hengeni le ndro i, i ha lengi, i bogulue i gle hian ge. 11Ar homo i da bohernou, hian, nongen aden i dege nongen ad Jehova. Ar homo i bo mburer ad Ndorlaben, i ghinen i gle ndoui ad Jehova, i gabmugueni Jehova gleri le ngarn ad Jesu Kristo: Engerang ber lang aga aden ge. I da ndoa le longu masigane, bing si e rang si sidegesi, Amen.
12Mu ndere hian, mbue bergolmu i irgu, be rang momen i da meher ndro mu, i gob ngendian le ndro mu, i ha ngendehan le ndro mu dege moan, ngendian ogo i da ndro mu, aga longu momen bui. 13Ha mugmug ge, danmu ibdi ngendian ad Kristo gleri. Bersi muren, be Ndorlaben i boharni engerang aden, mu ha mugmug manden ge, mu ha ngei. 14Ar su boii mu, mu da gin dogi le ngarn ad Kristo, mu horuan gleri iou bamugueni mu. E lele, engerang e ndoui ber belengan, meluan ad Jehova i da ndro mu. 15Io mbuere ngendian i da ndro mu le longu ademu momen be su gob momen le ndro mu, le surien longu ademu momen, ar mu gin daii, ar mu gin behena, ar mu gin hinen longu hendre e hendre momen, de mu gin hanguruen longu asu, i ademu bui. 16Ar homo ibdi ngendian, dege hom Kristen i ibdi i le ngarn ad Kristo, mbue bombulen i mesi leri, i gabmugueni Jehova le ngarn ad Kristo. 17Malabo rang gin meher, be Ndorlaben i bo gord le ndro su ber um aden. Be Ndorlaben i gdieni su ber um aden, su hi derbe, su de delengasu le nongen ad Jehova bui, su ad Jehova bugane? 18Be hom lao ad Jehova baghege na glos le gord ad Ndorlaben, ndramed momen i da gin bieni Jehova, i de danen i bui i hi derbe muren. 19Su ge, su da ibdi ngendian gle hauesu, dege Jehova i ha lengi, su gilgi meluasu gle nemen ad Ndorlaben, i da gin hinen su, su gob mburer hian monen ge.
موجودہ انتخاب:
Petrus I 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956