Petrus I 3
3
Nongen le ndro nambulsu.
1Mu bihin, delengamu le nongen asu nambulen ademu. Be su gamel holel de delengasu le nongen ad Jehova bui, su ilndri dogi asu nambulen, su da dogi monen ge, nongen asu dsoln bui. 2Su ha somui nongen ad Jehova ge, be su ilndri mu bihin, mu ha dogi monen ge, mu da rosan ge le hanguruen ademu. 3Mbue nouni mandrmu ge, mbue nouni lomon ademu ge, mbue ilgi salion le borbalmu, de salo hian gle mandrmu, 4hian ibdi nounou ber lang ge, ghinen bergolmu rosan ge, ibdi bern hian ge, mbue de lug bohomu manden, mbue de gob iil, aga Jehova i ha lengi, i ha mugmug be begmarn ilndri nounou dege ogoro. 5Su bihin helian su gin ibdi nounou dagara lie, su gin belengeni Jehova ge, delengasu le nongen asu nambulen ge. 6Dege Sara i da delengan le nongen ad Abraham, i ha bosoui i ndorlaben aden. Mu ndurbihin ad Sara, ar mu bo longu hian ge, mbue noh, be su beg bo momen le ndro mu. 7Dagara mu gamel, mu ha monen ge le ndro su bihin aga nambulmu, ghanguruen i, su heb ndoun bui, gabmugueni su, su ha dogi le gor lundielang la born ndro mu. Ar i dege ogoro bui, mu hi derbe, ar mu gme goure su bihin, su gamel le bo raring le ndro Ndorlaben.
Mbue surien momen gle momen, homo golnisden homo.
8Hian, mbue gob iil be mu me goure, ghanguruen homo ma homo gle hian ge, golmuisden su ndere, ibdi gahaloseli ghanguruen monen le bergolmu. 9Mbue surien longu momen gle momen, mbue surien nongen asu momen gle nongen ademu momen. Mbue hinen dagara. Hian, hengen le ndro su, Ndorlaben gin loh mu gleri, boen i danen hengen le ndro mu dagara lie. 10Ar homo i ha lengi rang hian ge, i ha leng mugmug ge le rang aden, i gobgulue germen de bosoui nongen momen bui, i gobgulue ngusen aden, debosan i bahilou. 11E bieni longu momen masi, ghinen longu hian ge, voamiso benu ge, gahi i, i da ge ndro uo. 12Begmarn ad Ndorlaben i hilou, beg ilndri su lao aden monen, i delengan le soling asu, bormarn ad Ndorlaben i irgu le asu ndramed momen.
13Sie gorda, i beg bo momen le ndro mu, ar mu hanguruen longu hian monen ge? 14Be su gob momen le ndro mu le longu ademu hian ge, ha somui ri, mu horuan, mu mamaren ge. Mbue noh su ndramed su da beg bo momen le ndro mu, meluamu de ieb le nongen asu bui. 15Ghanguruen ge Ndorlaben Kristo le bergolmu sidesi. I helian le hanguruen ademu, be su beg ndemani mu le longu ber lang, mu ha belengeni le lodu ademu, hian absou le ndro su longu masi monen ge. 16Be mu boharni le ndro su le lodu ademu, mbue ndoun le ndro su, vong monen ge, ndangen ge, debosan meluamu na ge segdan. Muren su da gin boii mu, su da gin bahilou le ndro mu, su gina momen le bahilou asu, be su ilndri, mu ha dogi monen ge le bormarn ad Kristo. 17Aga i hian ge, ar Jehova i ha lengi, iou ibdi ngendian gle hauedu, iou ha somui, be su gob momen me ndro du le mburer adu hian ge. Aga i de heb hian bui, be su gob momen me ndro du le longu adu momen.
18Kristo ginmad bersi, le surien longu adu momen. Homo i da monen gane, i ginmad le surien longu momen asu ndramed momen. I beg dulieni du mul le ndro Jehova, aga i ge, su gin daii sengen aden, i gin ndne lie le ngad aden gle ndoui ad Meluan ge. 19Muren i gina le ndoui ad Meluan Helian le ndro su meluasu ndramed, su da ginmad, le logna asu, i gin boharni le ndro su longu hian ber lang. 20Le ndro su, goru su de delengan le nongen ad Jehova bui, le ndro su, Jehova gin rii su, dege su ber rang ad Noah, be i gin berden ndol aden. Su holel ge, su manondrumou ge, de ginmad bui, Ndorlaben gin rumburdi su le ndran manden. 21Ndran ogo i da rumburdi mu lie, aga heb nongen dohongein ge. Io ha bosoui malabo ndran i de sibui mandrsu segdan bui, i da sibui meluasu ndramed, be su ndemani Jehova ri. Ndoui le ndran ogo i rumburdi mu, i ghinen le ndro mu, dege le ndro Kristo Jesu, i gin ndne lie le ngad aden. 22I gobad le lundielang, malabo i lugdo im nemen sengen ad Jehova. Su Angelo, su da ndoa ge le ndoui ber lang, delengasu le nongen aden ge.
موجودہ انتخاب:
Petrus I 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956