Petrus I 4 سے مشہور بائبلی آیات

شئیر

Homo golnisden homo manden ge. Ar homo golnisden, i danen ndrodhi longu momen mabosanged.

Homo i sobani homo gle memrad aden, Jehova i da gin hengen le ndro i, i ghanguruen memrad ad Jehova ge i gin hengeni le ndro i, i ha lengi, i bogulue i gle hian ge.

Ar homo i da bohernou, hian, nongen aden i dege nongen ad Jehova. Ar homo i bo mburer ad Ndorlaben, i ghinen i gle ndoui ad Jehova, i gabmugueni Jehova gleri le ngarn ad Jesu Kristo: Engerang ber lang aga aden ge. I da ndoa le longu masigane, bing si e rang si sidegesi, Amen.

Ar homo ibdi ngendian, dege hom Kristen i ibdi i le ngarn ad Kristo, mbue bombulen i mesi leri, i gabmugueni Jehova le ngarn ad Kristo.

Heb eluen bui muren longu masi ber boan gina boen, na glos. Hian ghanguruen i, be mu da raring.

Mu ndere hian, mbue bergolmu i irgu, be rang momen i da meher ndro mu, i gob ngendian le ndro mu, i ha ngendehan le ndro mu dege moan, ngendian ogo i da ndro mu, aga longu momen bui. Ha mugmug ge, danmu ibdi ngendian ad Kristo gleri. Bersi muren, be Ndorlaben i boharni engerang aden, mu ha mugmug manden ge, mu ha ngei.

Ha somui su la um ademu, su ber gor manan, mbue bangondrngondr be su da medir le um ademu.

Su ge, su da ibdi ngendian gle hauesu, dege Jehova i ha lengi, su gilgi meluasu gle nemen ad Ndorlaben, i da gin hinen su, su gob mburer hian monen ge.

Kristo gin ibdi ngendian gle hauen aden. Hian, ghinen i dagara lie, hanguruen bern aden. Ar homo gin ibdi ngendian le mandrn, i danen hengang ge, longu momen de danen hosi i bui. Heb rang i da ndro mu malabo, heb rang ber boan ogo, mbue gob longu momen ber sengen ademu, gob mburer hian ge, dege Jehova i ha lengi.

Ar su boii mu, mu da gin dogi le ngarn ad Kristo, mu horuan gleri iou bamugueni mu. E lele, engerang e ndoui ber belengan, meluan ad Jehova i da ndro mu.