Na Sailm 94
94
Salm 94.
Deus ultionum.
1A Thiarna Dia, ós fút a fhágtar an díoltas: a Dhia, a bhfágtar an díoltas fút, bí do do thaispeáint féin dúinn.
2Éirigh, a bhreithimh an domhain: agus tabhair a dhíol cúitithe do dhrong an díomais.
3A Thiarna, ca fhad a bheidh lucht an droch‑chroí: ca fhad a bheidh lucht an droch‑chroí ag maíomh a mbua;
4Ca fhad a bheidh an chaint dhímheasúil seo ag lucht uile na míghníomhartha: agus a dhéanfaidh siad mórtas uaibhreach?
5Tugann siad do phobal anuas, a Thiarna: agus buaireann siad dʼoidhreacht.
6Dúnmharaíonn siad an bhaintreach agus an coimhthíoch: agus cuireann siad an dílleachta chun báis.
7Agus ina dhiaidh sin deir siad, Seo, seo, ní fheicfidh an Tiarna é: ná ní thabharfaidh Dia Iácóib é dá aire.
8Tugaigí aire, a bhfuil gann i gciall i measc na ndaoine: a amadáin, ca huair a dtuigfidh sibh?
9An té a chuir cluasa ort, nach gcluinfidh sé: nó an té a chum an tsúil, nach bhfeicfidh sé?
10Nó an té a smachtaíos na págánaigh: ós é a mhúineas eolas don duine, nach mbeidh sé ag aifirt?
11Is fiosach don Tiarna smaointe an duine: nach mbíonn iontu ach díomhaointeas.
12Is aoibhinn don duine a gcuireann tú smacht air, a Thiarna: agus a fhaigheann teagasc uait i dtaobh do dhlí;
13Go dtuga tú foighne dó in am an bhuartha: go dtí go dtochailtear an poll le aghaidh an drochdhuine.
14Óir ní chlisfidh an Tiarna ar a phobal: ná ní thréigfidh sé a oidhreacht féin.
15Óir gheobhaidh an fhíréantacht a ceart arís go fóill: agus beidh lucht uile an chroí fhír ar a lucht leanúna.
16Cé a éireos amach liom in aghaidh lucht an oilc: cé a bheas ar mo thaobh in éadan lucht na míghníomhartha?
17Murab é gur chuidigh an Tiarna liom: níl amhras ná go gcuirfí mʼanam ina thost.
18Ach nuair a dúirt mé, Tá mo chos ag imeacht as fúm: bhí do thrócaire, a Thiarna, ag cur taca liom.
19Dá mhéid é an brón a bhí ar mo chroí: bhí do shóláis ag neartú lem anam.
20An nglacfaidh tú páirt le cathaoir na claonbhreithe: a mbíonn an urchóid á cumadh aige de réir an dlí?
21Bíonn siad ag slógadh in aghaidh anama anfhíréin: agus ag daoradh na fola neamhchiontaí.
22Ach is é an Tiarna mo dhídean: is é mo Dhia neart mo dhóchais.
23Cúiteoidh sé a n‑urchóid leo, agus scriosfaidh sé lena n‑olc féin iad; is deimhin go scriosfaidh ár dTiarna Dia iad.
موجودہ انتخاب:
Na Sailm 94: OC1965
سرخی
شئیر
کاپی
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965