SAN MATEO 24 سے مشہور بائبلی آیات

شئیر

Ikavimbae vae jeiete yae jeko pegua, ngaraa ma oporoaɨu vae. Ërei ikueraimbae vae, oyemboasaukata ko.

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

Peenduta jërakua ñeraro reta. Ërei agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi. Ërei kuae tembiporara reta ko oyemboɨpɨ ramo oï.

Ara jare ɨvɨ opata ko, ërei cheñee reta ngaraa opa.

Echa yogüeruta jeta cheree re jei reve: “Che ko jae Cristo.” Jare jeta yae ko ombotavɨta vae.

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua. Jare jeta vae oyerova yeta Tumpa güi, oñomee retata jare oñomotareɨta. Jare jeta ñeemombeuaraanga reta oñemopüata, jare jeta yae ko ombotavɨta vae.

Jayave Jesús jei chupe reta: —Peyeandu, agüɨye vaerä kia pembotavɨ.

Jáeramo pe reta peñemokätɨro, echa che Kuimbaerä ayeapo vae ayu ye peparanoe.

Jáeramo peäro avei. Echa mbaetɨ peikuaa mbae ora pe che peYa ayu yeta vae.

Ërei mbaetɨ kia ave oikuaa mbae ara pe ani mbae ora pe kuae oasata vae, araɨgua reta ave mbaetɨ oikuaa, jaeño cheRu oikuaa.

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

Noé oiko yave ɨvɨ pegua reta ndive oasa rami. Jökoraita che Kuimbaerä ayeapo vae ayu ye yave. Echa ndei ɨporu guasu ou mbove, ɨvɨ pegua reta iarete jare okau reteiño yogüɨreko, omenda reta jare oyomomenda reta Noé oike regua arca pe. Jare mbaetɨ oikuaa reta, oväe regua ɨporu guasu. Jare opa oyuka reta. Jökoraita ko che Kuimbaerä ayeapo vae ayu ye yave.