Ezequiel 34 سے مشہور بائبلی آیات

شئیر

Chin oquel tene jyol cye ke ẍne'l otok che'x tzpet, che ajetz wi'ne keju otok che elnaj ti'j cybe, c'oquel npotzine ti'j cykan otok tokj, chin onile cyi'j keju minti' cyipun, atzun keju ulni cynabl ex at nim cyipun che najel wu'ne. Tuj tumelxix che oquel npastorine ke nẍne'le.

Ic tza'n nno'c tcwentin jun pastor ke tẍne'l oc tbaj cysputun cyib, icxtzun weye che oquel ncwentine ke nẍne'le; che ajetz ncolpi'ne cyuj ke lugar jatum ma che pon sputj tuj jun k'ij klolj ex k'ek muj.

Akine Dios in chin k'mante jlu: Ax kine chin xe'le jyolte cye ke nẍne'le ex che oquel ncwentine.

Ax kine chin oquel pastor cyi'j ke nẍne'le, ex ax kine chin xel k'inte cye tu'n cyojlan. Akine Dios in chin k'mante jlu.

Akeye nẍne'le, pastorin keye wu'ne, xjal ke'ye ex akine Cydiose. Akine Dios in chin k'mante jlu.

Aya xjal, yolina te nxele cyuc'il ke pastor cye aj Israel ex k'manxa cye cyja': Chi Kman: Bec'bil cywitz ke pastor cye aj Israel, porque o'cx cye nno'c cycwentin cyib. ¿Myapetzun ake ẍne'l ex ke chip tu'n cyoc cycwentin?