मर्कूस 13 سے مشہور بائبلی آیات

شئیر

मोरिकमे विश्वास कर्लक कारण बहुत्ते मनै तुहुरिन्के दुश्मन होजिहीँ। पर जोन मनै मोरिकमे विश्वासयोग्य पलिरहिहीँ, और कष्ट नै ओराइतसम मोरिकमे विश्वास कर्ले पलिरहिहीँ, और हार नै मन्हीँ, परमेश्वर ओइनेहेन्हे बँचैहीँ।”

हौश्यार रहो और प्राथना करो। काकरेकी तुहुरे नै जन्थो कि मै कब फिर्ता हुइम।

जब मनै तुहुरिन्हे पकरके मुद्दा चलैहीँ। तब् का बोलम कहिके आघेसे चिन्ता ना करहो। सही समयमे परमेश्वर तुहुरिन्के मनमे ज्या दरहीँ, वहे बोल्हो। काकरेकी तुहुरे अपन सोँचके अनुसार नै बोल्बो, पर तुहुरिन्के माध्यमसे पवित्र आत्मा बोली।

आकाश और पृथ्वी नाश होजाई, पर जोन मै कनु, उ सदादिन पलिरही।”

“यी बात कोन दिन और कब हुई, यी केऊ फेन नै जानत, ना ते स्वर्गदूतनके, ना मै छावा। पर बाबाहे किल उ दिन और उ समय पता बतिस।

जब तुहुरे लड़ाई और लड़ाईक हल्ला सुन्बो, तब् ना डरैहो। असिन घटना हुइना जरुरी बा। पर वहे समय संसारके अन्त्य जुरतेहेँ नै हुई।

तुहुरे नै जन्थो कि घरक मलिक्वा कब फिर्ता आई। तबेकमारे जागले रहो। मै घरक मलिक्वा संझक फिर्ता हुई सेक्थुँ या आधा रातके आई सेक्थुँ या बेहान हुइनासे आघे फिर्ता हुई सेक्थुँ। मै पक्कै फेन बिना चेतावनी देके अइम, तबेकमारे जग्ती रहो, तब् मै देखम कि तुहुरे मोरिक लग तयार बतो। मै तुहुरिन्हे ज्या कहतुँ, आब मै उ सक्कुहुनहे कहतुँ, मोरिक फिर्ता आइक लग तुहुरे तयार रहहो।”

काकरेकी एकथो जातिक मनै दोसुर जातिक मनैनहे हमला करहीँ, और एकथो राज्यक मनै दोसुर राज्यक मनैनहे हमला करहीँ। ठाउँ-ठाउँमे भुँइचाल हुई, और अनिकाल परी। यी समय संकटके सुरुवात किल हो। यी जन्नीनके घरी-घरी बेथा लागल हस हुई।

यकर बाहेक संसारके अन्त्य हुइनासे आघे मोरिक बारेम खुशीक खबर सक्कु जातिनके मनैनहे सुनाजाई।

बहुत्ते जाने मोरिक नाउँक प्रयोग करके अइहीँ, और ओइने कहिहीँ, ‘मै ख्रीष्ट हुइतुँ’ और ओइने बहुत्ते मनैनहे अपन झूँटा बातसे फँसैहीँ।

पर तुहुरे अप्निहीँ हौश्यार रहहो। काकरेकी दुश्मनहुँक्रे तुहुरिन्हे पकरहीँ, और मोरिक कारण ओइने तुहुरिन्हे बैठक भवनमे पिटिहीँ। रज्वक आघे और अदालतमे लेके जैहीँ। पर यी तुहुरिन्के लग गवाही देना मौका रही।

काकरेकी झूँटा ख्रीष्टहुँक्रे और झूँटा अगमवक्तन अइहीँ। ओइने चमत्कार और अचम्मक काम देखैहीँ। यहाँसम कि ओइने ओइन्हे फेन दोधारमे परहीँ। जेनहे परमेश्वर चुनल बतिन।

“उ दिनमे डरलग्तिक संकटके समय ओराके सेकी ते सूर्य और जोन्ह्याँ ओजरार देहे छोरदिहीँ। तोरैँ आकाशमेसे गिरजिहीँ, और आकाशके सक्कु शक्ति यहोँरओहोँर डगमगाजिहीँ।