મત્તિ 24 سے مشہور بائبلی آیات

شئیر

અનેં અધર્મ વદવા થી, વેય એક-બીજા નેં પ્રેમ કરવો સુંડ દેંહે. પુંણ ઝી મરવા તક મારી ઇપેર પુંતાનો વિશ્વાસ બણાવેં રાખહે, વેયુસ બસેં સકહે.

અનેં પરમેશ્વર ના રાજ ના બારા મ તાજો હમિસાર આખી દુન્ય મ પરસાર કરવા મ આવહે, કે બદ્દી જાતિ ન મનખં ઇપેર ગવાહી થાએ કે બદ્દ મનખંવેં પરમેશ્વર નું વસન હામળ્યુ હે, તર અંત આવેં જાહે.”

ઝર તમું લડાઈ અનેં લડાજ્યી ની સરસા હામળહો, તે નેં ઘબરાતં વેહ, કેંમકે હેંનું થાવું જરુરી હે, હેંનં દાડં મ અંત નેં આવે.

કેંમકે એક જાતિ બીજી જાતિ ઇપેર હુંમલો કરહે, અનેં એક દેશ બીજા દેશ ના વિરુધ મ લડાઈ કરહે, અનેં જગ્યા-જગ્યા મ કાળ પડહે, અનેં ભુકમં થાહે. ઇયે બદ્દી વાતેં પીડા ની સરુવાત વેંહે.

આકાશ અનેં ધરતી ટળેં જાહે, પુંણ મારી વાતેં કેંરં યે નેં ટળે.

કેંમકે ઘણં બદ્દ એંવં વેંહે ઝી મારા નામ થી આવેંનેં કેંહે, “હૂં મસીહ હે, એંમ કેં નેં ઘણં નેં ભરમાવહે.

તર વેય વિતાડવા હારુ તમનેં હવાડહે, અનેં તમનેં માર દડહે, અનેં તમું મારા સેંલા હે, એંતરે હારુ બદ્દી જાતિ ન મનખં તમં ઇપેર વેર કરહે. તર ઘણં બદ્દ મનખં મારી ઇપેર વિશ્વાસ કરવો સુંડ દેંહે, અનેં એક બીજા નેં મરાવ દડવા હારુ હવાડહે, અનેં એક બીજા હાતેં વેર રાખહે. ઘણા બદા ઝૂઠા ભવિષ્યવક્તા આવહે, અનેં ઘણં મનખં નેં ભરમાવહે.

ઇસુવેં હેંનનેં જવાબ આલ્યો, “સેતેંન રો! કુઇ તમનેં નેં ભરમાવેં સકે,”

એંતરે હારુ તમું હુંદં આત્મા મ જાગતં રો, કેંમકે ઝેંના ટાએંમ ના બારા મ તમું વિસારતં હુંદં નેં વેહ, હેંનેસ ટાએંમેં હૂં માણસ નો બેંટો આવેં જએં.

એંતરે હારુ પ્રાર્થના મ જાગતં રો, કેંમકે તમું નહેં જાણતં કે તમારો પ્રભુ કેંરં આવહે.

ઇયે વાતેં કઇને દાડે કે કઇની વખત થાહે કુઇ નહેં જાણતું. હરગદૂત હુંદા નહેં જાણતા આં તક કે હૂં પુંતે હુંદો નહેં જાણતો. ખાલી બા એંખલોસ જાણે હે.

કેંમકે ઝૂઠા મસીહ અનેં ઝૂઠા ભવિષ્યવક્તા આવહે, અનેં નિશાન્યી અનેં સમત્કાર ન કામં વતાડહે, કે કદાસ થાએં સકે તે ઝેંનનેં પરમેશ્વરેં પસંદ કરેં રાખ્ય હે હેંનનેં હુંદં ભરમાવ દે.

ઝેંવું નૂહા ન દાડં મ થાયુ હેંતું, વેમેંસ મનેં માણસ ના બેંટા ના આવવા ના ટાએંમ મ હુંદું થાહે. કેંમકે ઝર તક નૂહો જહાંજ મ નેં ભરાયો હેંતો તર તક મનખં ખાવા-પીવા અનેં બાકળા-વિવા કરવા મ બુંડીલં હેંતં. અનેં ઝર તક જલાપાલું થાએંનેં હેંનં બદ્દ મનખં નેં તાણેં નેં લેં જ્યુ, તર તક હેંનનેં કઇસ હુદી ખબર નેં પડી. વેમેંસ હૂં માણસ નો બેંટો હુંદો આવેં.