મત્તિ 23 سے مشہور بائبلی آیات

شئیر

ઝી તમં મ મુંટું વેહ, વેયુ બદ્દનો સેંવક બણેં.

ઝી કુઇ પુંતાનેં મુંટું બણાવહે, વેયુ નાનું કરવા મ આવહે: અનેં ઝી કુઇ પુંતાનેં નાનું બણાવહે, વેયુ મુંટું કરવા મ આવહે.

હે મૂસા નું નિયમ હિકાડવા વાળોં અનેં ફરિસી ટુંળા ન ઢોંગ કરવા વાળોં મનખોં, તમં ઇપેર હાએ! તમું દમડા નો અનેં વરજ્યાળી નો અનેં જીરા નો દસવો ભાગ તે આલો હે, પુંણ તમવેં પરમેશ્વર ના નિયમ ની ખાસ વાત નેં એંતરે નિયા, અનેં દયા, અનેં વિશ્વાસ નેં સુંડ દેંદં હે. અસલ થાતું કે તમું દસવો ભાગ હુંદો આલતં રેંતં, અનેં પરમેશ્વર ના નિયમ ની ખાસ વાતં નેં હુંદં નેં સુંડતં.

“હે મૂસા નું નિયમ હિકાડવા વાળોં અનેં ફરિસી ટુંળા ન ઢોંગ કરવા વાળોં મનખોં, તમં ઇપેર હાએ! તમું વાટકા અનેં થાળજ્યં નેં ઇપેર-ઇપેર થી માજો હે, પુંણ વેય મએં ઘણં ખરાબ હે, તમું એંવસ રાસડં નેં જેંમ હે, ઝી બારતં ની પાક્તી તે સાફ ભાળવા જડે હે, પુંણ મએં ઘણં ખરાબ હે.”

“હે યરુશલેમ સેર ન મનખોં! તમું ઝી ભવિષ્યવક્તં નેં માર દડો હે, અનેં ઝી તમારી કન મુંકલવા મ આય, હેંનં ઇપેર પત્થરમારો કરો હે, કીતરી વાર મેંહ સાઇહુ કે ઝેંમ કુકડી પુંતાનં સેંલંનેં પુંતાની પાંખ નિસં ભેંગં કરેંનેં હેંનની રખવાળી કરે હે, વેમેંસ હૂં હુંદો તમાર બાળકં ની રખવાળી કરું, પુંણ તમવેં નેં સાઇહુ.”

ઇવીસ રિતી થી તમું હુંદં બારતં થી મનખં નેં તાજં ભાળવા જડો હે, પુંણ મએં થી ઢોંગ અનેં અધર્મ થી ભરેંલં હે.