Marəke 13 سے مشہور بائبلی آیات

شئیر

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Undaje kəm karə dɔ rɔ-si gə, ꞌɔgəje kəm-si ɓi ɓo ꞌdəjije Luba, mba ꞌgərəje ndɔ gə dɔ kar-ɛ a kasə ne ang.

Logə d-a kaw gə si no ngɔ gangə tar gə nama, ꞌnoje rɔ-si mba tar gə a kaw paje ang, ngaa ye gə d-a kum ta-si gə dɔ kar-ɛ gə əng ja ɓa ꞌpaje, mba to sisəy ɓa a paje tar ang, ngaa to Njil Njerɔsangə.

Dara je gə nangə d-a nday ngaa tarje lə-m d-a nday ang.

Tar gə ɔji dɔ ndɔ-ɛ ose dɔ kar-ɛ le, dəw kara kara gərə ang, anjije gə dara ang nəm, ɓa ꞌma gə Ngon ja kara m-gərə ang nəm, ngaa Bɔ dəwje ja gə kar-ɛ baa ɓa gərə.

Logə a koje tar ɗɔje gə tam ɗɔje gə a koso nama, ar-je mə-si gangə man ang, mba to ne gə a ɗe. Ngaa to gə ɗud-e ang ɓi.

Ar-je kɛgɛgɛ, mba ꞌgərəje kar gə njekəy a ɗe ne ang, n-a ɗe kar kumatagə, ose dan lo gə, ose gə kura̰ gə ila mbərə, ose gə ndɔɔ-sḭ baa. May kar isaje ɗɛgə-ɗɛgə gə ɓəəl mba n-a kḭ ce dɔ-si gə bus baa ngaɓa n-a kḭ kuwa-si dɔ ɓi gə. Tar gə m-pa m-ar-si le, m-pa m-ar-si tɔ̰y ja: Isije dɔ gɔl si gə.

Gəl kuji dəwje d-a ɗɔ naa, gə ɓeko̰je d-a ɗɔ naa, gə loje ɓədə-ɓədə le, dɔ nangə a yəgə ngaɓa ɓo kara a ko̰ nəm tɔ. Ngaa a to to gə kuma kudu ndo gə aw to jene be baa ɓi.

Dɔngɔr-ɛ ja ɗaa may kar d-ila mbərə Tar gə May nee le d-ar gəl kuji dəwje tɔ̰y ɓa.

Mba dəwje bula d-a ɗe gə ri-m ngaɓa d-a pa na: To ꞌma ja. Ngaɓa d-a kərə ne dəwje bula.

Unda-je kəm karə dɔ darɔ-sisəy gə ja; D-a kaw gə si no ngɔ gangə tarje gə, ngaɓa d-a kunda-si gə kɔb mə kəy nendo gə, d-a kaw gə si no njeko̰ ɓeje gə, no mbayje gə mba tar lə-m kar to tar naji no-je gə.

Mba kirisije gə gə mbɔr-ɛ baa gə pajambərəje gə gə mbɔr-ɛ baa d-a ɗe ɗa netɔjije gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə ꞌmbərə-je.

Ngaa dɔ ndɔ-ɛje gə əng le, go ne ur ti gə to ɓəəl gə a ɗa dəwje le ɗaa, kar a kɔsə ang, nay kara a nda ang ndɛ̰ndərɛ̰ndɛ̰je d-a kḭ dara toso nangə, neje gə to ɓəəl to ɓəəl gə dara kara d-a yəgə nəm tɔ.