Maariko 13 سے مشہور بائبلی آیات

شئیر

Abhantö mbarebharegha ahasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.”

Mbe, mwiyangarre! Mwisëëmi, ko bhoora motamanyirë enkaagha iyö rono irihika.

Hano abhantö bhayö bharebhaghoota bhabhahire mo-sebharasa, na okobhabhotorra ikiina, motakaasha okohaha igha, n-kë moraaghambe. Bhëënyu moghambe keno mörëtëëbhibhwa hayöhayö na Waryobha. Ti-igha m-bëënyu moreghamba hë, kasi nu-Mwika Ömöhörëëru ono arëngë mö-bhëënyu, uyö we arebhatöörryanga okoghamba.

Ekebhara na ighörö iyö mbereheta, kasi amangʼana aghaane, ngarëghëndërrya okobha-ho igho kughya iyö.

“Kasi urusikö ruyö, handë enkaagha iya ukuusha ukwane öni Omoona uwa Ömöntö, taaho ömöntö ono amanyirë hë, mbakaabha abhamaraika abha mu-ryobha, handë Omoona uwa Waryobha. Kasi Taata Waryobha, we umwene igho amanyirë.

Ko-nkaagha iyö, muriighwanga amangʼana agha riihë na ibhingʼurusa ibhya riihë. Motakaasha okoroghoora hano moremaahanga amangʼana ghayö, ni-igha ghabhe, kasi umuhiko ughwa ekebhara, turinyoora ghoraahika hë.

Yëësu akaghëndërrya akaghamba igha, “Ku bhuyö mwiyangarre ko bhoora motamanyirë igha n-dööhë mwene mughi arikyora. Temomanyirë hanga no-moghoroobha, handë mu-bhutikö ghatë, handë öröghörö rosambirë handë nyinkyo. Mwiyangarre, okore atakaasha okobhatwërërrya mwihiriibhwi. Engʼana eno nkobhatëëbhya hano, m-bonswe igho nkötëëbhya igha, mwiyangarre.”

Ikyaro nyabhorebhe, nkiriitana na ikyaro ikyëndë, obhokama mburiitana na obhokama ubhwöndë. Ibhirighiti na inshara, mberebha ahasë ahaaru ko-kebhara kono. Amangʼana ghayö, n-kya ebhesa ibhya omokari bheno bhekotangata omoona atareebhorwa.

Kasi Amangʼana Amaiya, ni-igha gharaarekwe ku-bhyaro bhyonswe igho tangata, umuhiko ghotaraahika.

Abhantö abhaaru mbariisha bharaibherekera iriina iryane, eno bharaikora igha, mbo Kiristo. Na abhantö bhayö, mbarengʼaina abhantö abhaaru.

“Kasi bhëënyu mwiyangarre bhököngʼu. Abhantö mbarebhaghoota bhabhahire mo-sebharasa, kora mbarebhatemanga bhököngʼu mu-sinyumba isya esango iya Abhayahudi. Mbarebhahira ko-bhanene abha ikyaro na ko-bhakama, ko bhoora igha, m-bantö abhaane mörë. Iyö yo erebha enkaagha iya bhëënyu ukwimererra Amangʼana Amaiya ko-bhantö bhayö.

Ko bhoora mbariisha abhantö abharongo bhano bharibherekeranga igha, mbo Kiristo. Kora mbariisha abharööti abha obhorongo, bhano bharekora amakono na ebhemanyërryö, okore bhangʼaine abhantö, kora abhaahorwa abha Waryobha.

“Mbe, kasi hano sinsikö isya inyaanyi siyö serehehwa, iryobha ndirisyöribhwa rebhe ikisuntë, na umwëri teghorebha na emerengaari ghwiki hë. Sinyota syonswe nsereghwa hansë ukurwa ighörö iyö. Waryobha narisingisya singuru isya mu-ryobha.