من الوحي إلى النبي أشعيا 35 سے مشہور بائبلی آیات

شئیر

هولة الناجيين عالقدس راجعين، رح يدخلوا عليها وصواتُن عم بترندِح غناني. وطول العمر وجوهُن رح تضلّ فرحانة، وبالسعد والرضى قلوبهُن مليانة، والحزن واليأس منها هربانة.

يا مؤمنين، شدّوا الضعاف بيناتكُن، قوّوها، والمقطوع قلبُن من الخوف شجعوها، قولولُن: "ما تخافوا، قوّوا قلبكُن، ربنا قريب، رح يجازي عدوّكُن، وينجّيكُن وينصركُن."

وبصير فيه درب جديدة عطول المدى، تُدعى "طريق الطهارة"، ما بيمرُق فيها إلّا الطّاهرين، وبتكون طريق الصّالحين، وكلّ مين بيمشي عهالدرب ما بتوه ولو كان من الجّاهلين.

ووقتا، رح يرجع النظر للعميان، ويرجع السمع للطرشان،

وينطّوا العرجان متل الغزلان، وبصيروا يغنّوا غناني فرح كلّ الخرسان. وبتتفجَّر الميّ بالبراري، وبتمشي الأنهار بالصحاري،