- मरकुस 13 سے مشہور بائبلی آیات

شئیر

और मोरे नाओं के कारन सब जने तुम से बैर कर हैं; पै जौन आखिरी लौ धीरज धरे रै है, ओई कौ उद्धार हुईये।

तकौ, जगत रऔ और प्रार्थना करत रऔ; कायसे तुम नईं जानत कि ऊ बेरा कबै आ है।

जब बे तुमें लै जाके सौंप हैं, तो पेंला से चिन्ता न करियो, कि हम का कै हैं; पै जो कछु तुमें ओई घड़ी बताओ जाए, ओई कईयो; कायसे कि बोलबे वाले तुम नईंयां, बल्कि शुद्ध आत्मा आय।

आकास और धरती टल जै हैं लेकिन मोरी बातें कभऊं न टल हैं।

ऊ दिन या ऊ घड़ी के बारे में कोऊ नईं जानत, न सरग के दूत और न बेटा; बल्कि केवल परमेसुर।

और जब तुम लड़ाई और लड़ाईयों की चरचा सुनो; तो न घबराईयो: कायसे कि इनको होबो निश्चित आय; लेकिन ऊ बेरा अन्त न हुईये।

ईसे जागत रऔ; कायसे तुम नईं जानत कि घर कौ मालक कबै आ है, दिन डूबत कि आधी रात के, या मुर्गा के बांग देबे की बेरा या भोर में। ऐसो न होबै कि ऊ अचानक आके तुम हां सोऊत पाबै। और जो कछु मैं तुमसे कैत आंव, ओई सब से कैत आंव, जागत रऔ।

कायसे जात पै जात, राज्य पै राज्य चढ़ाई कर हैं, और हरेक जांगा भूडोल हुईये, और अकाल पड़ हैं; जौ तो तकलीफों की शुरूआत ही हुईये।

पै जरूरी आय कि पेंला भलो संदेसो सब जातन में प्रचार करो जाए।

कईयक मोरे नाओं से आके कै हैं, कि मैं ओई आंव और कैऊ अन हां धोका दे दै हैं।

लेकिन तुम अपने बारे में सावधान रओ; कायसे कि लोग तुमें महासभन में सौंप हैं और तुम पंचयातों में कूटे जै हौ; और मोरे कारन हाकिमों और राजाओं के आंगू ठांड़े करे जै हौ, ताकि उन के लाने गवाही होबै।

कायसे झूठे मसीह और झूठे अगमवकता पनप जै हैं, और निसान और विचित्र काम दिखा हैं, कि अगर हो सके तो चुने भयन हां लौ भरमा दे।

उन दिना में ऊ क्लेश के बाद सूरज अंधेरौ हो जै है, और चन्द्रमा रोसनी न दै है। और आसमान से तरईयां गिरन लग हैं: और आसमान की ताकतें हिलाई जै हैं।