Njéga̰g-Rəwtaje 17
17
Mika gə magəje ləa
1Dəw kára si dɔ mbal’d gə́ Eprayim ria lə Mika. 2Yeḛ ula kea̰je pana: Larnda ləi gə́ tɔl-dɔg gə dəa tɔl (1.100) gə́ dəw ɓogo gə́ i ila ndɔl dəa’g ar taree oso lé aa oo, larnda neelé to jim-ma’g ya, to ma nja ɓa m’un. Ndá kea̰je ulá pana: Maji kar Njesigənea̰ ar dɔ ŋgonəm ai səgərə.
3Yeḛ tel gə larnda gə́ tɔl-dɔg gə dəa tɔl (1.100) lé ar kea̰je ndá kea̰je pana: Ma m’unda larnda gə́ to jim’g lé gə kəmee m’ar Njesigənea̰ mba kar dee ra ne néndaji gə́ tɔl gə́ tɔl ləm, gə yee gə́ léḛ ləm tɔ d’ar ŋgonəm, bèe ndá ma m’tel gə lar neelé m’ari-i ya.
4Yeḛ tel gə larnda lé ar kea̰je. Kea̰je taa larnda gə́ tɔl-joo (200) lé aw ar njelḛ̀ né aree ra ne néndaji gə́ tɔl gə́ tɔl ləm, gə néndaji gə́ léḛ gə́ léḛ ləm tɔ. Deḛ d’unda dee mee kəi’g lə Mika.
5Bèe ɓa loo-kwa-Ala-mee’g to mee kəi’g lə Mika ndá yeḛ ra néndaji ləm, gə néndaji magəje ləm tɔ. Yeḛ un ŋgonee kára mbuna ŋganeeje’g undá gə kəmee gə́ njekinjanéməs. 6Mee ndəaje gən lé mbai godo mee ɓee gə́ Israɛl, ndá nana kara ra né gə́ mée-yeḛ nja ɓa wɔji .
7Basa kára gə́ to Ləbi si Betlehem gə́ ka̰ Judaje. Yeḛ to gə́ gel bɔ’g lə Juda ndá yeḛ si mee ɓee’g neelé gə́ mbá. 8Basa neelé ḭ mee ɓee-boo gə́ Betlehem gə́ ka̰ Judaje mba kaw saŋg loo-siée gə́ a taa kəmee. Loo gə́ yeḛ si njaa rəw’g bèe-bèe ndá yeḛ teḛ dɔ mbal gə́ Eprayim aw saar teḛ mee kəi’g lə Mika. 9Mika dəjee pana: See i ḭ ra wa.
Yeḛ tel ilá keneŋ pana: Ma m’to gə́ Ləbi gə́ m’ḭ Betlehem gə́ ka̰ Judaje, m’aw mbá gə mba saŋg loo-si gə́ a taa kəm.
10Mika ulá pana: Maji kari si səm nee. Maji kari tel to bɔmje ləm, gə njekinjanéməs ləm ləm tɔ, ləb kára-kára ndá m’a kari larnda dɔg-dɔg ləm, gə kubuje gə́ i a kaw ndée ləma, gə nésɔi ləm tɔ.
Bèe ɓa Ləbi neelé andə aw ne mee kəi’g ləa. 11Togə́bè basa gə́ to Ləbi lé wɔji mée’g gə mba si ne gə dəw neelé ndá dəw neelé ée asəna gə ŋgonee gə́ kára mbuna ŋganeeje’g. 12Mika unda Ləbi neelé gə kəmee ndá basa neelé ra kula kḭjanémes ləm, yeḛ si ne mee kəi’g ləa ləm tɔ. 13Mika pana: Ɓasinè lé ma m’gər gao, Njesigənea̰ a ra səm némeemaji mbata m’iŋga Ləbi neelé gə́ njekinjanéməs ləm.
Поточний вибір:
Njéga̰g-Rəwtaje 17: SBA2015
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Ngambai Bible © Alliance Biblique du Tchad 1989, 2015.