Psalms 61
61
1အို ဘုရားရှင်၊ အကျွန်ုပ်၏ အော်ဟစ်တောင်းလျှောက်သံကို နားထောင်တော်မူပါ။ အကျွန်ုပ်၏ ဆုတောင်းချက်ကို အာရုံစိုက်၍ နားထောင်တော်မူပါ။ 2အကျွန်ုပ်သည် စိတ်နှလုံးညှိုးငယ်သောအခါ ကိုယ်တော်ကို ကမ္ဘာမြေအစွန်းမှ ခေါ်ပါ၏။ အကျွန်ုပ်ထက်မြင့်မားသော ကျောက်ဆောင်ပေါ်သို့ အကျွန်ကို ပို့ဆောင်တော်မူပါ။ 3အကြောင်းမူကား ကိုယ်တော်သည် အကျွန်ုပ်၏ခိုလှုံရာ၊ ရန်သူ၏ရှေ့တွင် ခိုင်ခံသောရဲတိုက်ဖြစ်တော်မူ၏။ 4ကိုယ်တော်၏တဲတော်၌ အစဉ်အမြဲနေထိုင်ရ၍ ကိုယ်တော်၏အတောင်တော် ကွယ်ကာရာအရပ်၌ ခိုလှုံခွင့်ပေးတော်မူပါ။ 5အကြောင်းမူကား အို ဘုရားရှင်၊ ကိုယ်တော်သည် အကျွန်ုပ်၏ကတိသစ္စာစကားများကို ကြားတော်မူ၍ ကိုယ်တော်၏နာမတော်ကို ကြောက်ရွံ့သောသူတို့ ဆက်ခံရ သည့်အမွေကို အကျွန်ုပ်အားပေးတော်မူပြီ။ 6ရှင်ဘုရင်၏နေ့ရက်များကို ထပ်၍တိုးပေးတော်မူပါ။ သူ၏နှစ်ကာလတို့ကိုလည်း မျိုးရိုးအစဉ်အဆက် တည်စေတော်မူပါ။ 7သူသည် ဘုရားရှင်၏ရှေ့တော်၌ အစဉ်အမြဲစိုးစံပါစေ။ မေတ္တာကရုဏာနှင့် သမ္မာတရားသည် သူ့အားကာကွယ်စောင့်ရှောက်မည့်အကြောင်း စီရင်တော်မူပါ။ 8သို့ဖြစ်၍ အကျွန်ုပ်သည် နေ့စဉ်နေ့တိုင်း အကျွန်ုပ်၏ကတိသစ္စာများကို ပြည့်စုံစေရန် ကိုယ်တော်၏နာမတော်ကို ထာဝစဉ်သီဆိုချီးမွမ်းပါမည်။
Поточний вибір:
Psalms 61: TPV-RV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.