Psalms 142
142
1ငါသည် ဘုရားရှင်ထံသို့ ငါ့အသံကို လွှင့်၍အော်ဟစ်၏။ ဘုရားရှင်ထံသို့ ငါ့အသံကိုလွှင့်၍ အသနားခံတောင်းလျှောက်ပါ၏။ 2ငါ၏စိတ်ဒုက္ခကို ကိုယ်တော်၏ရှေ့တော်၌ဖွင့်ဟလျက် ငါ၏ဆင်ရဲဒုက္ခကို ကိုယ်တော်ရှေ့တော်ဤ ကြားလျှောက်၏။ 3အကျွန်ုပ်၏စိတ်နှလုံးတို့ ညှိုးငယ်သောအခါ ကိုယ်တော်သာလျှင် အကျွန်ုပ်၏လမ်းကို သိတော်မူ၏။ လူတို့သည် အကျွန်ုပ်လျှောက်သောလမ်း၌ အကျွန်ုပ်အတွက်ကျော့ကွင်းကို လျှို့ဝှက်စွာနားထောင်ကြပါ၏။ 4လက်ယာဘက်သို့ကြည့်၍ မြင်တော်မူပါ။ အကျွန်ုပ်ကို အသိအမှတ်ပြုသူ တစ်စုံတစ်ဦးမျှမရှိပါ။ အကျွန်ုပ်ပြေးစရာလမ်းလည်းမရှိပါ။ အကျွန်ုပ်၏စိတ်ဝိဉာာဉ်ကို ဂရုစိုက်သူလည်းမရှိပါ။ 5အို ဘုရားရှင်၊ အကျွန်ုပ်သည် ကိုယ်တော့်ထံသို့အော်ဟစ်ပါ၏။ "ကိုယ်တော်သည် အကျွန်ုပ်ခိုလှုံရာဖြစ်တော်မူပြီး အသက်ရှင်သောသူတို့၏ပြည်၌ အကျွန်ုပ်၏ဝေစုဖြစ်တော်မူ၏" ဟု အကျွန်ုပ်ပြောဆိုပါ၏။ 6အကျွန်ုပ်၏ဟစ်ကြော်သံကို အာရုံစိုက်နာထောင်တော်မူပါ။ အကြောင်းမူကား အကျွန်ုပ်သည် အခြေအနေအလွန်နိမ့်ပါလျက်ရှိပါ၏။ အကျွန်ုပ်ကို လိုက်လံညှဉ်းဆဲသောသူတို့ထံမှ ကယ်နုတ်တော်မူပါ။ အကြောင်းမူကား ထိုသူတို့သည် အကျွန်ုပ်ထက်အင်အားကြီးမာကြပါ၏။ 7ကိုယ်တော်၏နာမတော်ကို အကျွန်ုပ်ချီးမွမ်းနိုင်ရန် အကျွန်ုပ်၏စိတ်ဝိဉာာဉ်ကို အချုပ်အနှောင်ထဲမှာ ကယ်ထုတ်တော်မူပါ။ ကိုယ်တော်သည် အကျွန်ုပ်ကို ကျေးဇူးပြုတော်မူမည်ဖြစ်၍ ဖြောင့်မတ်သောသူတို့သည် အကျွန်ုပ်ကို ဝန်းရံထားကြပါလိမ့်မည်။
Поточний вибір:
Psalms 142: TPV-RV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.