2 John 1
1
1အသက်ကြီးသူဖြစ်သော ကျွန်ုပ်ယောဟန်သည် ကျွန်ုပ်ချစ်ခင်ရသည့် ရွေးချယ်တော်မူခြင်းခံရသည့် အမျိုးသမီးနှင့် သူ၏သားသမီးများထံသို့ စာရေးလိုက်ပါ၏။ သင်တို့ကို ကျွန်ုပ်တစ်ဦးတည်းသာမက ဖြောင့်မတ်ခြင်းတရားကို သိသောသူအပေါင်းတို့ကလည်း ချစ်ခင်ကြ၏။ 2ကျွန်ုပ်တို့သည် သမ္မာတရားတော်ကို မိမိတို့၏နှလုံးသားနှင့်ထာဝရ ချစ်ခင်မြတ်နိုး သောကြောင့် သင်တို့အပေါ်တွင် မေတ္တာတရားထားရှိရခြင်းဖြစ်၏။ 3အဖဘုရားနှင့် သားတော်ယေရှုခရစ်တော်တို့သည် ကျွန်ုပ်တို့အား စစ်မှန်သောမေတ္တာတရားများကြောင့်သော်လည်းကောင်း၊ သနားဂရုဏာတော်များကြောင့်သော်လည်းကောင်း ကျွန်ုပ်တို့အပေါ်တွင် ငြိမ်းချမ်းခြင်းအပေါင်းတို့သက်ရောက်ပါစေသတည်း။ 4ကျွန်ုပ်တို့အား အဖဘုရားရှင် ပညတ်တော်မူထားသည့်အတိုင်း သင်၏သားသမီးအချို့သည် ဖြောင့်မတ်ခြင်းတရား၌ လိုက်နာကျင့်သုံးကြသည်ကို တွေ့ရသဖြင့် ကျွန်ုပ်အလွန်ဝမ်းမြောက်မိပါ၏။ 5သို့ဖြစ်ပါ၍ ချင်ခင်ရပါသောအမျိုးသမီးတို့၊ သင် နှင့် သင့်သားသမီးတို့းအား သင်တို့တစ်ခါမျှမပြုလုပ်ဖူးသေး သောအရာတို့ကို စာရေးပြောပြနေခြင်းမဟုတ်ပါ။ ကျွန်ုပ် စာရေးသားပြောပြနေရသောအကြောင်းအရာတို့မှာ အစက တည်းက သင်တို့အားပြောပြခဲ့သော တစ်ဦးပေါ်တစ်ဦး မေတ္တာတရားထားရှိရန်ကို ပြောနေခြင်းသာဖြစ်၏။ 6မေတ္တာတရား၏ ဆိုလိုခြင်းသဘောမှာ ဘုရားရှင်၏ဩဝါဒ တရားတော်ကို လိုက်နာနေခြင်းသာလျှင်ဖြစ်၏။ အစဦးကတည်းကပင် ဘုရားရှင်ဟောပြောခဲ့သောဩဝါဒမှာ မေတ္တာ တရားထားရှိကြရန်သာဖြစ်၏။ 7ယေရှုခရစ်တော်သည် လူ့ဇာတိကိုခံယူရန်ကြွလာသည်ကို လက်မခံသောလူလိမ်လူညာများစွာတို့သည် ဤကမ္ဘာလောကထဲ၌ ပေါ်လာသဖြင့် ဤအကြောင်းအရာများကို ငါပြောရခြင်းဖြစ်၏။ ထိုသို့သောသူသည် လိမ်လည်လှည့်ဖြားသူများလည်းဖြစ်ပြီး ယေရှုခရစ်တော်၏ ရန်သူများလည်းဖြစ်၏။ 8ထို့ကြောင့် ကျွန်ုပ်တို့လုပ်ဆောင်ခဲ့သည့်အရာများကို မဆုံးရှုံးစေဘဲ အကျိုးကျေးဇူးများကို သင်တို့အပြည့်အဝခံစားရစေရန် သတိပြုကြလော့။ 9ခရစ်တော်၏ သွန်သင်ချက်အတိုင်း မလိုက်နာပဲ ကျော်လွန်သောသူတိုင်းသည် ဘုရားရှင်နှင့် တပေါင်းတစည်းတည်းမဟုတ်ပေ။ သွန်သက်ချက်များအတိုင် လိုက်နာကျင့်သုံးသောသူသည်သာ ဘုရားရှင်နှင့် သားတော်နှစ်ပါးလုံးနှင့် တပေါင်းတစည်းတည်းဖြစ်၏။ 10တစ်စုံတစ်ယောက်သည် သင်တို့ထံသို့လာ၍ ဤသွန်သင်ချက်များကို မဝေမျှလျှင် ထိုသူကို သင်တို့အိမ်သို့ မဖိတ်ခေါ်နှင့်၊ နုတ်ခွန်းလည်းမဆက်ကြနှင့်။ 11ထိုသူအားနုတ်ခွန်းဆက်သောသူတိုင်းသည် ထိုသူနှင့် အပေါင်းအပါဖြစ်၍ ဆိုးယုတ်သောအပြုအမူတို့ကို ပြုကျင့်ရာ ရောက်သောကြောင့်ပင်ဖြစ်၏။ 12ကျွန်ုပ်တွင် ရေးစရာများစွာရှိနေပါသေးသော်လည်း ကျွန်ုပ်မှင်ဖြင့်မရေးသားလိုတော့။ ထိုအစား ကျွန်ုပ်တို့ အပြည့်အဝ ဝမ်းမြောက်ခြင်းရှိနိုင်ရန်အတွက် သင်တို့ထံလာ၍ မျက်နာချင်းဆိုင် စကားပြောရန် ကျွန်ုပ်မျှော်လင့်ထား၏။ 13နိဂုံးချုပ်အနေဖြင့်ယုံကြည်သူ အသင်းဝင်တစ်ဦးဖြစ်သူ သင်၏ညီမနှင့် သားသမီးများ ကလည်း သင့်အား နှုတ်ခွန်းဆက်သလိုက်ပါ၏။
Поточний вибір:
2 John 1: TPV-RV
Позначайте
Поділитись
Порівняти
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.