1 John 1
1
1ဤကမ္ဘာမြေကြီးစတင်ဖန်ဆင်းကတည်းကပင် ကျွန်ုပ်တို့တွေ့မြင်နိုင်၍ လက်ဖြင့်ထိတွေ့ခဲ့ရသော အရာဖြစ်သည့် အသက်နှင့်သက်ဆိုင်သော နှုတ်ကပတ်တော်င အကြောင်းကို သင်တို့ထံသို့ ကျွန်ုပ်ရေးသားလိုက်ရပါ၏။ 2ထိုအသက်တော်သည်လည်း ထင်ရှာလာ၍ ကျွန်ုပ်တိုသည်လည်း သူ့အကြောင်းအား ကိုယ်တွေ့ကြုံခဲ့ရသောကြောင့် ဘုရားရှင်နှင့် နိစ္စထာဝရအသက်အကြောင်းကို သင်တို့အားကြေညာဟောပြောရခြင်းဖြစ်ပါ၏။ 3ကျွန်ုပ်တွေ့ကြုံ ခဲ့ရသမျှ၊ ကြားခဲ့ရသမျှတို့ကို သင့်အားပြောရခြင်းမှာ သင်တို့သည် ကျွန်ုပ်တို့နှင့် မိတ်သဟာရဖွဲ့နိုင်ရန်ဖြစ်၏။ သင်တို့သည် ကျွန်ုပ်တို့နှင့် မိတ်သဟာယဖွဲ့ရခြင်းအကြောင်းမှာ အဖဘုရားရှင်နှင့်သော်လည်းကောင်း သားတော်ဖြစ်သော ကိုယ်တော်ယေရှုနှင့်သော်လည်းကောင်း မိတ်သဟာယဖွဲ့ခြင်းပင်ဖြစ်၏။ 4ကျွန်ုပ်သည် သင်တို့အား ဝမ်းမြောက်ခြင်းကို အပြည့်အဝခံစားရနိုင်ရန်အတွက် ဤအကြောင်းအရာများကို ရေးသားလိုက်ရခြင်းပင်ဖြစ်၏။ 5ကျွန်ုပ်တို့သိရှိထားသော ဘုရားရှင်၏အကြောင်းကို ပြောပြရမည်ဆိုလျှင် ဘုရားရှင်သည် အလင်ရောင်သဖွယ်ဖြစ်တော်မူ၍ ဘုရားရှင်၌ အမှောင်ဟူ၍ လုံးဝမရှိ။ 6“ကျွန်ုပ်တို့သည်ဘုရားရှင်နှင့် မိသဟာယဖွဲ့ထား၍ ဘုရားရှင်၏ သာသနာ့အနွယ်ဝင်များ ဖြစ်ကြပါသည်” ဟုဆိုထားသော်လည်း မကောင်းမှုဒုစရိုက်များနှင့်သာ ကျင်လည်နေကြလျှင် ဘုရားရှင်၏တရားတော်များကို လိုက်နာသည်မဟုတ်ပဲ လိမ်လည်နေကြခြင်းပင်ဖြစ်၏။ 7သို့သော် ဘုရားရှင်သည် အလင်းတည်းဟူသော ဖြောင့်မတ်ခြင်းတရားနှင့်ပြည့်စုံတော်မူသကဲ့သို့ ကျွန်ုပ်တို့သည်လည်း အကျွန်ုပ်တို့သည်လည်း ဖြောက်မတ်ခြင်းတရားဖြင့် အလင်းရောင်အောက်၌ နေထိုင်ကြလျှင် အချင်းချင်း မိသဟာယဖွဲ့ခြင်းရှိကြသဖြင့် သားတော်ဖြစ်သော ကိုယ်တော်ယေရှု၏ အသွေးတော်သည် ကျွန်ုပ်တို့ကို ရှိသမျှအပြစ်ဒုစရိုက်တို့မှ လွှတ်မြောက်စေမည်ဖြစ်၏။ 8“ကျွန်ုပ်တို့၌ ဒုစရိုက်အပြစ်များမရှိပါ” ဟုပြောဆိုနေကြလျှင် ကျွန်ုပ်တို့သည် မိမိကိုယ်မိမိ လိမ်ညာနေကြသူများသာဖြစ်၍ ဖြောက်မတ်ခြင်းတည်းဟူသော သမ္မာတရားသည်လည်း ငါတို့ထံ၌မရှိ။ 9သို့သော် ကျွန်ုပ်တို့သည် မိမိတို့၏ ဒုစရိုက်အပြစ်တရားများကို ဖွင့်ဟဝန်ခံလျှင် ဘုရားရှင်သည် ဖြောင့်မတ်တော်မူသောအရှင်ဖြစ်တော်မူသောကြောင့် ကျွန်ုပ်တို့ကို ဒုစရိုက်အပြစ်တရားအပေါင်းတို့မှ ဖြေလွှတ်ကာ မတရားမှုအပေါင်းတို့ကို ကင်းစင်စေတော်မူမည်။ 10“ကျွန်ုပ်တို့သည် အပြစ်ဒုစရိုက်တစုံတစ်ရာ ကျူးလွန်ထားခြင်းမရှိ” ဟုဆိုနေကြလျှင် ဘုရားရှင်အား “လိမ်လည်သောသူ” ဟုဆိုရာရောက်၍ ဘုရားရှင်၏ နှုတ်ကပတ်တရားတော်များသည်လည်း ကျွန်ုပ်တို့ထံတွင် တည်ရှိမည်မဟုတ်ပေ။
Поточний вибір:
1 John 1: TPV-RV
Позначайте
Поділитись
Порівняти
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.