ሌዌታ ማጻፋ 12
12
ማጫሳይ ዬሊዳፔ ጉዬ ጌሾ ዎጋ
1ጎዳይ ሙሴስ ሂዝጊዴስ፥ 2«ኢስራኤሌ ኣሳስ፥ ‹ማጫሲ ሻራዳ ኣቱማ ና ዬሊኮ ካሴ ማጫሳ ዎጋይ ኢዚ ቦላ ቤቲዳ ዎዴ ሃኒዛይሳ ላፑን ጋላስ ጋካናስ ኢዛ ቱና ጊዳዉስ። 3ዬሌቲዳ ናዚ ኦስፑን ጋላስ ቃጻሬታናስ ቤሴስ።#ሜ 17፡12፤ ሉቃ 2፡21 4ሄሳፌ ጉዬ ጋጪኖ ሱይ ኢዚፔ ኤቃና ጋካናሲኔ ኢዛ ዬሎሶፌ 33 ጋላስ ጋካናስ ጾሳስ ዱማቲዳ ኣይ ሚሺካ ቦቻናስ ቤሴና፤ ሄሲካ ኢዛ ጌይዛ ዎዴይ ዉሮንታ ዲሺን ጋይቶቴ ዱንካኔ ጊዶ ጌሉፑ።
5« ‹ሄሳካ ኢሲ ማጫሲ ማጫ ና ዬሊኮ ካሴ ቦላ ቂታይ ኢዚ ቦላ ቤቲዳ ዎዴ ሃኒዛይሳ 14 ጋላስ ጋካናስ ቱና ጊዳዉስ፤ ሄሳፌ ጉዬ ሱይ ኢዚፔ ሲሚን ኢዛ ዬሎሶፌ 66 ጋላስ ጋካናስ ጋምኡ።
6« ‹ኢዛ ጌይዛ ጋላሳቲ ዉሪዛ ዎዴ ኣቱማ ና ጊሻስ ጊዲን ዎይኮ ማጫ ና ጊሻስ ጹጌቲዛ ያርሾስ ኢሲ ላይ ላቃኔ ናጋራፔ ጌያናስ ሺቂዛ ያርሾስ ሃራጴ ዎይኮ ሃራጴ ጪዬ ጋይቶቴ ዱንካኔ ፔንጌ ኤሃዳ ሄን ኦዛ ቄሴስ ኢሙ። 7ቄሴዚካ ኢዛ ኢሚዛይሳ ኢዚፔ ኤኪዲ ጎዳስ ያርሾ ሺሾ፤ ማጫሳያካ ኢዛ ዬሊሺን ኢዚፔ ጉኪዳ ሱፌ ጌያዉስ፤ ሃይሲ ኣቱማ ና ዎይኮ ማጫ ና ዬሊዛ ማጫሳስ ዎዳ ዎጋ።#ሉቃ 2፡24 8ዬሊዳ ማጫሳያ ዶርሳ ላቃ ኤሃናስ ዳንዳዮንታሮ ጊዲኮ ናምኡ ሃራጴታ ዎይኮ ናምኡ ዋኖሴታ ኤሁ፤ ናምኣታፔ ኢሶይ ጹጌቲዛ ያርሾስ፥ ሃንኮይሲ ናጋራ ጌሾስ ያርሾ ሺቆ፤ ቄሴዚካ ኢዞ ናጋራፔ ጌሾ፤ ሄሳፌ ጉዬ ኢዛ ጌሽ ጊዳና› ጌስ።»
Поточний вибір:
ሌዌታ ማጻፋ 12: ጋሞመጽቅበፊደል
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
The Word for the World International amp The Word for the World Ethiopia