खास-चैले के काँम जाँण पछ़्याण
जाँण पछ़्याण
प्रभू यीशू के खास-चैले के काँम-काज़ का बखाँण संत्त-लूका रंचित्त खुषख्बरी शा आगे का बखाँण असो। ईन्दें का खास मंत्ल्व ऐजा थिया, के प्रभू यीशू गाशी शुरू दा बिश्वाष कर्णो वाल़े लोग, पबित्र-आत्त्माँ की अगुवाई दी प्रभू यीशू की खुषख्बरी “यरूशलेम अरह् बादे यहूदिया, अरह् सामरिया दे, अरह् बादी संईसारी के ऐकी कुँणें शी ओकी कुँणें तोड़ी” (खास-चैले 1:8) कंसी ढंग शी फ़ईलाऐ गंऐ। ऐजा ऐक मसीही बाद-बिबाद का बखाँण असो; जुण्जा के यहूदी लोगों के बीच दा शुरू हुवा थिया, अरह् ऐत्रें ज़ूगा बड़ा, के पुरी संईसारी के लोगों खे बिश्वाष बंणीं गुवा। लिख्णों वाल़ा ईयों बातो का भे ख्याल थों, के पह्ढ़णों वाल़े, के ऐजो पाक्कों हंऐ ज़ाँव, के मसीही लोग रोमी महाँ राजा खे ऐक बिरोध कर्णों वाल़े ने थी; परह् मसीही बिश्वाष यहूदी धर्म की बंड़ोत्रीं खे थिया। आँमें खास-चैले के काँम-काज़ की कताब च़ीं भाग दे बाँडी सको। जू बह्ड़्दे दाऐरे के बारे दो बुलो। जिन्दा यीशू मसीया की खुषख्बरी का प्रचार करा गुवा; अरह् कलीसियाँओं के थापना करी गंऐ; जेष्णें: के (1) प्रभू यीशू स्वर्गो दे ऊबे पाछ़ू हुट्णों गाशी, यरूशलेम दा मसीही बाद-बिबाद की शुरूवात्त; (2) पलस्तीन के ओकी भाषा दा ईन्दें का प्रचार; अरह् (3) संईसारी के समुँन्द्री के देशो दा रोम तोड़ी ईन्दे का प्रचार करा गुवा। खास-चैले के काँम-काज़ की ऐक खास बात ऐजी असो। के पबित्र-आत्त्माँ के ज़ाँणें करे गुऐ काँम-काज़ के बारे दा भे बंखाँण करा गुवा। किन्देंखे के पिन्तेकुस्त के देसे यरूशलेम दे कंट्ठै हुऐं अंदे बिश्वाषियों गाशी बड़ी शक्त्ति आरी पबित्र-आत्त्माँ स्वर्गो शी ऊँदी ऊत्री थी। अरह् ईयों कताबी दी तिनू घट्णाँ के घट्णों के बख्त्ते कलीसिया अरह् तिनके अगुवाँल़ खे बाट लाऐ, अरह् तिनखे शक्त्ति दित्ती। खास-चैले के काँम-काज़ दे दिते गुऐ भाष्णों दे शुरू के मसीही खुषख्बरी के बारे दो, बुलो गुओं। अरह् ईनही घट्त्त-घट्णाँऐ, बिश्वाषी का जीवन दा, अरह् कलीसियाँओं के सहाँऐता लंई, ईयों खुषख्बरी की शक्त्ति पर्गट करह्।
रूप रेखा
गुवाह्-शाज़्त के तैयारी 1:1-26
(क) प्रभू यीशू की आखरी अज्ञाँ अरह् बाय्दा 1:1-14
(ख) यहूदा का वारीस 1:15-26
यरूशलेम दे गुवाह्-शाज़्त्त 2:1—8:3
यहूदिया अरह् सामरिया दे गुवाह्-शाज़्त्त 8:4—12:25
संत्त-पौलुस की सेवा के काँम-काज़ 13:1—28:31
(क) आगली प्रचार की यात्रा 13:1—14:28
(ख) यरूशलेम दी खुम्ल़ी 15:1-35
(ग) दुज़ी प्रचार के यात्रा 15:36—18:22
(घ) च़ीज़ी प्रचार यात्रा 18:23—21:16
(च) यरूशलेम, कैसरिया अरह् रोम दा संत्त-पौलुस कय्द करा21:17—28:31
Поточний вибір:
खास-चैले के काँम जाँण पछ़्याण: sri
Позначайте
Копіювати
Порівняти
Поділитись
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2022, Wycliffe Bible Translators, Inc. All rights reserved.