Matiu Avoan Vevsera
Avoan Vevsera
Roroi Tavuha gabe Matiu nu Ravae mwa bev sera Roroi Tavuha be Jisas kea Varahu gabe nu tatauleo huria tuai, wani gabe God nu lol haraharai non Tatauleo ginia, gabe nu lolia lalai non sinombu lol buk tatauleo. Leo Tavuha mwa hav vora te huri ira Jius n̄ano, kera gabe Jisas nu vora abera i nu to maira, take huri ureure duluai.
Matiu nu araian tavuhai huri be vi ravana. Mwa dau bwatuna mai vorana non Jisas, mwa bev serae huri non garuhisabuga i kalkaliana haḡe mwa bev serae huri non lalaḡova duluai kalili, huri non toretore, non silo vagahi i huri be nu varahu ira harova ivusi. Ataguna gea Leo Tavuha mwa bev serae huri lagoana non Jisas nin Kalili vai Jerusalem mai ginau dodolua be Jisas nu lolira lol nogonan non wik gabe mwa haraharai mai non mateana i tomarean mulei.
Leo Tavuha uhu mwa lol seserai Jisas be kea vagahi lavoa, i mwa haḡo roron̄o be vi vev vugeri dum silo non God i mwa bagahi huri rahuan gara gabe God mwa ratahigi alolona. Non silo vagahi mwa haraborana vai lol tatan̄ana gailima: (1) Toretore lavusi, gabe mwa bagahi huri alen̄an atatu, lalaḡova, ginau tavtavuha mai rahuana be vi mai lalai sinombu ata lol rahuan gara gabe God mwa ratahigi alolona lol ute atamare (tavaluna 5-7); (2) Avoan tura lalai non roron̄tai han̄vul domwan gairua (tavaluna 10); (3) Avoan dalogai duluai huri rahuan gara gabe God mwa ratahigi alolona (tavaluna 13); (4) Silo vagahi huri binihiva huri avoana roron̄tai (tavaluna 18); i (5) Silo vagahi huri nogonan gubwen̄i i maiana non rahuan gara gabe God mwa ratahigi alolona (tavaluna 24-25).
Ududun buka geki
Vevurin vorana non Jisas Kraes (1.1–2.23)
Lalagova non Jon Garuhisabuga (3.1-12)
Garuhisabuga mai kalkaliana non Jisas (3.13–4.11)
Lalaḡova non Jisas Kalili (4.12–18.35)
Nin Kalili vai Jerusalem (19.1–20.34)
Nogonan wik abena i lol vanua Jerusalem (21.1–27.66)
Tomarean mulei mai visiraiana non Ratahigi (28.1-20)
Поточний вибір:
Matiu Avoan Vevsera: HNB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Bible Society of the South Pacific