Mateus 1
1
L’OURIGE I LA NINEÇ DE JASUS
Genealogie de Jasus
1Lhibro de l’ourige de Jasus Cristo, filho de Dabide, filho de Abraan.
2Abraan fui l pai d’Eisaac, Eisaac fui l pai de Jacó, i Jacó fui l pai de Judá i de sous armanos. 3Judá, de Tamar, tubo a Farés i a Zara, Farés fui l pai de Esron, Esron fui l pai de Aran. 4Aran fui l pai de Aminabade, Aminabade fui l pai de Naaçon, Naaçon fui l pai de Salmon. 5Salmon, de Raabe, tubo a Booç, Booç, de Rute, tubo a Oubede, Oubede fui l pai de Jessé, Jessé fui l pai de l rei Dabide. 6L rei Dabide, de la mulhier de Ourias, fui l pai de Salomon. 7Salomon fui l pai de Roboan, Roboan fui l pai de Abias, Abias fui l pai de Asa. 8Asa fui l pai de Josafate, Josafate fui l pai de Joran, Joran fui l pai de Ouzias. 9Ouzias fui l pai Joatan, Joatan fui l pai de Acaç, Acaç fui l pai de Eizequias. 10Eizequias fui l pai de Manassés, Manassés fui l pai de Amon, Amon fui l pai de Josias. 11Josias fui l pai de Jeconias i de sous armanos, al tiempo de l çterro para Babilónia.
12Apuis de l çterro para Babilónia, Jeconias fui l pai de Salatiel i Salatiel fui l pai de Zorobabel. 13Zorobabel fui l pai de Abiude, Abiude fui l pai de Eiliaquin, Eiliaquin fui l pai de Azor. 14Azor fui l pai de Sadoc, Sadoc fui l pai de Aquin, Aquin fui l pai de Eiliude. 15Eiliude fui l pai de Eileazar, Eileazar fui l pai de Matan, Matan fui l pai de Jacó.
16Jacó fui l pai de Jesé, home de Marie que tubo a Jasus, que le cháman Cristo.
17Assi, son catorze giraçones zde Abraan até Dabide, catorze giraçones zde Dabide até al çterro para Babilónia i zde l çterro para Babilónia até Cristo outras catorze.
Nacimiento de Jasus
(Lucas 2,1–7)
18Anton, l nacimiento de Cristo fui assi: Marie, la mai del, era moça de Jesé i antes que stubíran a morar juntos eilha sentiu que staba preinha de l Sprito Santo. 19Jesé, l home deilha, cumo era justo i nun la querie çfamar, resolbiu deixá-la sien que naide se dira de cuonta. 20Andaba el cun esta matacion i apareciu-le un anjo de l Senhor an suonhos, dezindo-le: «Jesé, filho de Dabide, nun tengas miedo de recebir a Marie, tue mulhier, puis l que neilha se girou ye cousa de l Sprito Santo. 21Eilha bai a parir un filho i bás-le a poner l nome de Jasus, puis el salbará l sou pobo de ls pecados.»
22Todo se passou assi pa que se cumprira l que dezira l Senhor pul porfeta: 23Quedai sabendo que ũa birge quedará preinha i parirá un filho i poneran-le l nome de Eimanuel, que quier dezir Dius stá cun nós.
24Quando Jesé spertou, fizo tal i qual cumo le habie mandado l anjo de l Senhor i aceitou la sue mulhier. 25I, sien que antes tubira drumido cun eilha, tubo un filho i puso-le l nome de Jasus.
Поточний вибір:
Mateus 1: EM14
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Evangelhos em Mirandês © Sociedade Bíblica, 2014.