Популярні біблійні вірші з Matɨyu 26

Поділитись

Sekwo ngkine'no nohontohumafɨkuji Mpohumo jomo ulɨmno. Seten sekumo yamofo selohofonoho. Sekwo wopɨngo'nohini uyano ko lɨfijoso sekwoe yokumpohn'nyo hopo'maho.

Oso'no ulɨmento, Nje sɨmeho tango mɨkunɨmposo'njo hwo'nyoho. Tango hiloso poyo wanɨmokumtolɨkeno. Ngko'njopo fosyohumafɨkuji ngkimo nohontohumamno.

Ose ulonto we'enehwo nowento sɨmano hwaho hohnta'ni ipitofawento Anɨtumo ulɨmento, U, nje Mpohwo, olo tohino loso nonɨ'mahwosi woniyakolofono. I oso hiso'no nje hunomo nnɨngkahutoho. O'o, jɨje hunomnohino hmnɨngkayo.

Olo nje honɨyo loso a'amu pi'nɨngo sofe wonyo wae yasemofo'ne usohumahono. Honɨyo loso Anɨtu'nji sekwo'nji makotɨku'nyo'ne usɨhumahono. Nje honɨyo losomo Anɨtu uhwonɨngkuhwosi sekwo Anɨtu'nji makotɨku'nyoso ne imo'nyo'nefoho.

Hofɨko wopayo nontanɨngkofi Jisas wopayo nomanto Anɨtumo isamoyoka ulonto kutɨkujo lohofonto inomokomoyo sohwamo uyonto ulɨmento, Oloso nje a'apahofoho. Sekwo nomafɨkuji hmnɨmno.

Ose ulonto kako noswanyo ipisayo mijo'nji nomanto Anɨtumo isamoyoka ulonto hofɨkimo uyonto ulɨmento, Olo mijo loso sekwo hopi'nonohino sohwasi hmnaopmno.

Ose ulonto kakoe inomokomoyo sohwafepono umentisofoho. Kako nu'manto uhwonɨmentisoso kakoe inomokomoyo sohwa saho nofosyowentanɨngkofi uhwononto Pitamo ulɨmento, Kɨko ngkimo monohontohumayo peho'neto.

Hungkuno waselɨmo. Nom'ne sɨkuno somo olo ipisayo mijo apa'no manɨmnehono. Manyo'njo nohumentanɨ'mo sɨkuno memjaofɨhwoso'no ngko sekwo'nji nje Mpohwoe ango a'amumo mokosyohumayo sopo mijo songo nonanefoho.

Yoka lahonɨngki nupa'nonto Pita hungkuno Jisas ulɨmentiso so'no huno syafɨhu'mentisofoho. Hungkuno ole ulɨmento, Yɨhufo tosɨka yoka molontanɨngkuhwoso sohonta kɨko ngkine'no mango hufa'u sɨhune ole walɨmonnoho. Ngko Jisasɨmne'no huno maniyohoyohoho. Ose ulohojo'no yɨhufo sohwo yoka walɨmontonoho. Pita kako huno ose syafɨsyonto mempono swonto kakoe yahino wonyo so'no sɨmeho tango mɨkunɨmposo uyahonɨngki humotaho engo ne'no lɨmentisofoho.

Sekwo filɨkapmno. Wohwano. Uhwonɨmno. Oso hwe ngkine'no tokoyo'ofo ntoho'maso sohwo nto pohoho.

Ose yahonɨngki Jisas ulɨmento, Jɨje hwakuhwajo asomo foho'nasyo. A'amu fihwo kako hwakuhwajo'nji nom'ne sohwamo lofososo oso hwe huhwo sohumo hwakuhwajo'nji wolofosyantɨfeho.