Популярні біблійні вірші з Mateu 26

Поділитись

Eweꞌeg wo o. Ehẽtup o Tupana kape emoesaika kahato o eiãꞌãg hap pupi Taꞌi atikuap ti etikyꞌesat kahato Tupana mikyꞌesat nug hap maꞌato ti yt putꞌok e i esaika hap inug hamo e

Itote iwanetup hap yt he hin i raꞌyn. Iꞌarot yn toineꞌen. Miꞌi hawyi toꞌe topotmuꞌeria myẽꞌym ok takaria pe -Taꞌi ahatyꞌu hap porap uiꞌauka e. Paa uiꞌe hap e. Miꞌi tupono o ewehẽtup Tupana kape e. Waku ewehehaꞌat ro e Iesui myẽꞌym ok takaria pe.

Miꞌi hawyi toto porapꞌi hawyi poragꞌe yi tote tewapuo hawyi toꞌe -Uiꞌywot e etat kuap meikowat kuiꞌa uipo pyi pote waku wen maꞌato yt pote atuꞌu emikyꞌesat ewy e Iesui Toꞌywot pe.

Miꞌi ti uhuu aat hap miitꞌin mowehik Tupana etiat hamuat yn iꞌatuminug saꞌag moweityk Tupana piat hamuat e.

Miꞌi hawyi Iesui tat man hawyi waku e Tupana pe hawyi toipik pik taꞌyn. Miꞌi hawyi tutum temiitꞌin me hawyi toꞌe -Ewetat ro mesuwat man mehinꞌin e. Ewetuꞌu ro miꞌi ti uipiit e.

Miꞌi hawyi totat ihy kuiꞌa piat hawyi waku e Tupana pe. Miꞌi hawyi toimoꞌẽ temiitꞌin me hawyi toꞌe iꞌatuepe -Eiweꞌyꞌu ro e.

Miꞌi hawyi taꞌaipok i raꞌyn temiitꞌin myẽꞌym ok takaria kape. Miꞌi hawyi toiꞌatupuẽti iꞌatuket turan neꞌi raꞌyn. Miꞌi hawyi toꞌe Peteru pe -Yt ehẽtup kuap i apo wẽtup eꞌora i wyti e.

Miꞌi hawyi ti aru yt karamuo i raꞌyn aresapohyꞌu eiwywo mesuwe maꞌato meiũran aru karãpe Uiꞌywot topyhuꞌat Morekuat nuat turan aresapohyꞌu iraꞌyn eiwywo e.

Miꞌi pote so hotꞌokꞌe raꞌyn Iesui ehay kape -Waipaka ehay eꞌyian mete ti aru -Yt atikuap i Miꞌi Miit ere raꞌyn uhepiat pe myẽꞌym mo e Iesui hap kape iwatetup taꞌyn. Miꞌi hawyi tuwepik taꞌyn itote pyi tuwak kahato raꞌyn Peteru tominug saꞌag hap upi.

Eiꞌãpeꞌokꞌam no katupono ti uimaꞌat hat tuut raꞌyn e temiitꞌin me.

Miꞌi pote Iesui toꞌe -Etopag i ro ekyseꞌyp ewope pe mehin e temiit Peteru pe. Katupono uwe uwe tuwepyk miꞌi hat wyti miitꞌin mipoepyk wo hawyi ikuꞌuro rakatno topyhuꞌat e. Uwe uwe tiꞌauka miit miꞌi miit miitꞌin miꞌauka wo aru topyhuꞌat e.