Популярні біблійні вірші з Iruka 2

Поділитись

Pyno mio tuwemoherep taꞌyn morekuat Tawi etawa Perẽi me ehehakyeraꞌat hat eipotypot eikaꞌiwat e.

Miꞌi hawyi atipy kaipywiat suut hat toꞌe wehũria apykok haria pe -Yt eweikenꞌẽ teiꞌo uipupi e iꞌatuepe. Katupono wakuat sehay ahenoi teran ehepe eimowepiit kahato hamo e. Taꞌi yt ehepe yn i uhehay wakuat maꞌato wuatꞌi ywania mesuwat yi totiaria mowepiit hap ahenoi e.

-Uruimotypot kahato En Tupana poꞌog ywaiti piat ieineꞌen hat. Katupono etum naꞌyn wakuap mesuwat yi totiaria mowepiit hap.

Miꞌi hawyi Iesui itag naꞌyn hawyi iweꞌeg kahato raꞌyn hawyi Tupana mikyꞌe kahato wo iꞌewyte miitꞌin mikyꞌe wo toineꞌen poꞌog poꞌog hap ewy.

Pyno ahenoi ehepe aikotã waku eweipuẽti imepyt hamuat hap. Pyno waku eweiwat tawa Perẽi kape hawyi waku eweikat hũria yat. Miꞌi tote wyti aru eweipuẽti uiꞌe hap ewy sokpe wo tosuwy pe hũria miꞌu eiam me e.

Mekewat eꞌat pe tukupteꞌen hũria apykok haria iꞌatupotpap kaꞌap hũ ria apykok hap ete. Miꞌi tote ti atipy kaipywiat suut hat tuwemoherep taꞌyn wehũria apykok haria kape. Miꞌi ti Tupana ẽtyhot hap wywo tuwemoherep hawyi yne iꞌatuete hẽtyhot kahato. Miꞌi pote Uweiria koꞌi apykok haria teꞌerokenꞌẽ kahato hẽtyhot putꞌok e taꞌatuetiat pote.