Популярні біблійні вірші з NAI VAKATEKIVU 11

Поділитись

A sa kaya ko Jiova, Raica, sa dua vata ga ko ira na tamata, a sa dua vata ga na vosa vei ira kecega; a ra sa vakatekivu ni kitaka na ka oqo: ia ena qai sega e dua na ka me tarovi ira e na ka era nakita: tou ia mada, tou lako sobu, ka vakasesea na nodra vosa, me ra kakua kina ni veikilaki vosa.

A ra kaya, Tou ia mada, tou tara e dua na noda koro, ka dua na vale cecere, me yacovi lomalagi na delana; tou cakava me rogo kina na yacada, de sa da dui vakasevi yani e dela i vuravura taucoko.

O koya sa vakatokai kina na yacana ko Pepeli; ni sa vakasesea maikea na vosa ni vuravura taucoko ko Jiova: a sa dui vakasevi ira maikina ko Jiova, ki dela i vuravura taucoko.

A sa gusu vata ko vuravura taucoko, a sa dua vata ga na kena vosa.

A sa lako sobu ko Jiova me raica na koro kei na vale cecere, era tara na tamata.

A sa dui vakasevi ira maikina ko Jiova, ki dela i vuravura taucoko: a ra sa cegu ni tara tiko na koro.