Популярні біблійні вірші з Zɛnɛse 27

Поділитись

Ɣâla é lúu kúla ŋ̀elei su é ǹɔii lɛ́lɛ, é mii-sɛŋ támaa tɛ́ɛ ípɔ da ŋwãai! Nûa dí tíi kɛ́ yɛ̂. Lɔii-ŋuŋ-ŋa dí pɛ́lɛ íkɔɔ mu. Kɛ́ a ílêɣe-ni da ílîa-ni mɛi-nuu. Ílee ǹônii dí pɛ́lɛ íkɔɔ mu. Náɣaŋ é kɛ́ diai dîa da ínàɣaŋ. Lûwa é kɛ́ diai kélee dîa da lûwa làa yâi.”

Isɔɔ ǹyɛɛ mai, “Ǹáa ƃa Zeeka a tɔ̃yâ. Kpɛ́ni fêi, a ŋôya sii ŋí kɛ́ nâa a ńyãa gîei feerɛ. È ŋápɔɔ-sɛŋ sìɣe, ǹya ƃe a ŋɔ́nɔ ŋálûwai síɣe.” Naa pôlu ma è mò ǹâŋ ma ǹyɛɛi, “Lûwa da kélee fé naa ḿɛni ma ŋɔ́nɔ?”

Nya ƃe ǹâŋ Aise è ŋ̀óo su tòo ǹyɛɛi, “Íkɛ̂i a pâi kɛ̂i lɔii nyɔ́mɔɔ ma ƃɛ́i sí-sɛŋ fa lɛ̂lɛ naa, lúu fa pù naai. Ƃa pâi ífulu-laai kɛ̂i íkɔ kɔ́-sãai sârai. Ƃa pâi kɛ̂i a ílêɣe ŋɔtíi kɛ́-nuu. Kɛ́lɛ ƃa ítɔɔ̂i kpànaŋ, tãi a pâi pâi gbîrii ŋí a pâi kulâi íŋûa.”

Isɔɔ è ǹâŋ wóo su tòo ǹyɛɛi, “Ńâŋ, ǹûa tɔnɔi tí nɔ́ ƃé ílai? Óo ńâŋ, lûwa láa ḿâ máŋ!” Isɔɔ è làɣi a wɔ́lɔ.