Популярні біблійні вірші з Mr 10

Поділитись

Yujto an tic, wach'xam 'Ochnc in 'Anma'il, man̈ yujoc wajx servil in jawi, palta yuj wa'w servil. In jaw wul wac' cham in b'a, sec wach' til wal mach 'oj colchjc can 'el wu'uj, xchi Jesús 'a eb'.

Yuj cha, x'och q'ueln Jesús 'a eb', 'ix yaln 'ixtic: —A jun tic, may junc 'anma tztac' yu'uj, palta a Dios tztac' yu'uj, yujto smasnil tas tzta'n̈j yu'uj, xchi.

—A 'a sat tic, tox 'ix jacwi, yujto xa'ch a c'ojl 'a Dios, yuj cha, tztac' tzach pax ticnec, xchi 'a winac. Yajn̈j wal cha, sjacw sat win yu'uj, xlajw cha, x'at win yet' Jesús 'a 'aj tz'ati.

A eb' junxn̈ej tz'ajcn yuj Dios, 'ay yowlal spojn sb'a eb', xchi Jesús 'a ewinac.

'Ix 'och q'ueln, x'o'ch sc'ojl 'a winac, yuj cha, 'ix yaln 'ixtc 'a 'a: —'Ayt junx tzyac' palta 'ayach, 'ixic, 'at chon̈cn 'el jantcn̈ej tas 'ay 'ayach, tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha tzach japx 'ayin, ax och in cuywumoc, xchi 'a winac.

sc'anb'n 'ixtc 'a winac: —¿Tas tza nib'j tzach wutej? xchi. —Mamin, caw tzin nib'j tza jac in sat tic, schi win 'a 'a.

Palta ax tic, man̈ 'ichcta 'oj 'aj 'a e cal. Toto 'ayx tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal. Toto 'ixta', caw niwn eyopiso.

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

'Ay eb' niwn yel'ch 'a qui calc ticnec, palta a eb' cha, niwn eb' may jac yel'ch 'a jun tiempoal cha. An̈jtona', 'ay eb' may jac yel'ch 'a qui calc ticnec, palta a eb' cha, niwn eb' caw 'ay yel'ch 'a jun tiempoal cha, xchi Jesús 'a eb'.

Palta a yic sb'on can Dios yolyib'n̈q'uinl tic, sb'ojnac win winac yet' 'ix 'ix. Yaljnac can 'ixtic: Yuj cha, a eb' winac yowlal tzyactj can eb' smam snun, sec junxn̈ej tz'ajcn eb' yet' yistzil. 'Icha wal to junxn̈ej niwnal tz'ajcn eb' schawn̈il, xchi Dios. Yuj cha, man̈x chawn̈oc eb', to junxn̈ej tz'aj eb'.