Популярні біблійні вірші з Sáŋa 14

Поділитись

Imánúnɛ́nɛ́n bumbén, imánúfá bumbén bám, saá anyɛ́ band bá gus éŋeniné. Nudiákɛ́nán, nudɛbiá buwa.

Yésu guondinyi wɔ́ ká: «Inyɛ nŋili, inyɛ meliŋítas yaŋuá nɔ́ gusɔ́d. Mɔnd dɛbá báguám agá Babá umáal udɛdɔ́mbɛ́n agamia.

Yésu ganyɛ gɔ́b sɔ́n ká: «Nudiákɛ́nán, ánubiánán giondi ɔdɛ́mɔ́ agá Gɔdányá, nuond nuondonyi ɔdɛm agamia.

Babá ganɔ́dɔ́mɛ́n agá ɔfɛ́n wám Ɛsámb yá Mefúny íganúbianan ká ínúdúgúne. Ɛ́yɛ́ ígenúnúfúnyifunyi buand gidigid, yónd ínúbídégesenyi buanda gidigid inyá gunuɔ́yɔɔn.

Mɔnd mábɛ́dɛ́gaan bisele bám wond ufuógonyi bɛ́, ugúmbíléne. Babá gebíléne mɔnd wumbílénené, yaŋuá sɔ́n mbíléné mɔnd wumbílénené, ngedíye mɔnd uwaány buanda inyá.»

yaŋuá yaád gubísógólidi Babá ká únúdɔ́mɛ́n odúgúny omodió uganúbá nanɔ bɛsɛgɛl biim. Odúgúny uwaány nye Ɛsámb yá Mefúny ídíyenyé meliŋítas, ɛ́yɛ́ bɛndiádábá diábáná bágɔ́dáŋáb góbúsió ká bádɛ́guánaan yɛ́, bónd bádɛ́lɛnsaán yɛ́. Banuá gɔg, nugɔ́lɛnsaan yɛ́ gágual ká ínyɛ́ gadágadá wanɔ, ígabá agán gá nuɔ́l.

Buand gidigid nugonuófún agám gá ɔfɛ́n, ngaal bɔ́. Ngaal bɔ́ nɛnama nɛ́nyá ká ndíye band anyɛ́ Babá nyá bese. Númófún buanda agá ɔfɛ́n wám, ngaal bɔ́.

«Númémbíléné, nugúbiana ká nufuógonyi bisele bám

Eluku nyɛ giod agá gians gá Babá, ímábá búdɛ́bá nɔ́, gesí nsaman gúnuɔ́yɛdɛn. Góbusió ká ngúbaan gá guanúdábúnɛ́n niluku.

Anyɛ́ gúnyá ngúbaan gá guanúdábɔ́naán kɔɔ́m ɔgɔ́ nugenúlúkúmen, ngosiondo, nsinúgɔ́l. Kɔɔ́m nganúbá, gɔ́gɔ́ banuá sɔ́n nuganúbá.

Tómasia ganyɛ gág ká: «Ɔgúnɔ́! Dɛdɛguál gɔlɛnsan kɔɔ́m abaná. Nanyá digúnúlɛ́ns nŋili e?»