Популярні біблійні вірші з TƏ́DA 14

Поділитись

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

kə́ mba ō, yibə̄ tejə ō, i ngá̰ý tū tə́. Ré nel̄ Kɔ́ɔ̄ɓē sejí anī a aw̄ sejí tū tə́ yā kadə̄jí.

Ba ndíĺ kə́ rang i kem nge kəla yāḿ Kaleb tə́, adə̄ ni un gōḿ kanjə̄ kadə̄ kemən rāān ní, m-ā m-āw̄ seneé kadə̄ ugə̄ dɔ nang ń ni-aw̄ tū tə́ kété əndā ma̰ȳ ní. Dɔ nang ní m-ā m-ādə̄ ngánən gə̄ ō, ngán kaan gə̄ ō.

Āw̄ ə́daīdə́ na: Mā Kɔ́ɔ̄ɓē kə́ m̄-ndi kə kumḿ, m-ə́dásí kə́ ngáā tə́, m-ā m̄-rāāsí yá̰á̰ ń ə́daī á m-ōō ní.

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

Nin̄ tə́dan̄ najə̄ dɔ Moijə nin̄ kə Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?

Ba Jojue nin̄ kə Kaleb ń nin̄ i de gə̄ kə́ dan ngé kaw̄ kəndā ma̰ȳ dɔ nang kə́ Kanaan tə́ ní, wōn̄g asədə́ nak adə̄ rə́yā̰n̄ kūbə̄ kə́ rɔ̄də́ gə̄ tə́, ba ədan̄ kósə de gə̄ na: Dɔ nang ń j-āw̄ j-əndā ma̰ȳ j-a̰a̰ ní i dɔ nang kə́ majə ngá̰ý

Ba ré m̄-ndi kə kumuú rɔ̄kum ō, kɔsə gɔn yāḿ taā loo dɔ nang tə́ malang rɔ̄kum ō anī, de gə̄ malang ń a̰a̰n̄ kɔsə gɔn ń noō ō, a̰a̰n̄ yá̰a̰ kɔjə̄ gə̄ ń m̄-rāā dɔ nang kə́ Ejiptə tə́ ō, kem dəla loo tə́ ō, banī oōn̄ taḿ alé nāāmə̄nəń nja kutə kɔ̄ɔ́ ɓá ní, m-ə̄nī ndūḿ kadə̄ deē kógə̄ḿ dandə́ tə́ a ugə̄ dɔ nang ń m-ə̄nī míndə́ḿ dɔ tə́ m-ādə̄ kaadə́ gə̄ ní alé. De gə̄ malang ń kídə̄mə̄n̄ ní, deē kógə̄ḿ dandə́ tə́ kə́ yā kugə̄ dɔ nang ń noō tə́ a gətóo.