Популярні біблійні вірші з TEĒ 12

Поділитись

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē. Ba mósə́ kə́ ta kújə gə̄ ń ā ī-ndiī kemeé tə́ ní a rāā rɔ̄n i yá̰a̰ kɔjə dɔ kújə yāsí gə̄ tə́. Dan ń m-ā m-á̰á̰ mósə́ ní anī m-ā m̄-gə̄lā dɔ adə̄ yá̰á̰ kə́ tōr̄ a ɔdə rɔ̄sí alé. Adə̄ ré m-ā m-ə́nda ɓē kə́ Ejiptə anī, sḭḭ̄ ā ī-teēī kum tə́ karī.

Ā ī-rāā i nāā kə́ bo ń toō i kə dɔ ɓāl̄ gə̄ kadə̄ əgań kemsí dɔ yá̰á̰ ń a rāā yā rāā yá̰á̰ tə́ toō, yā rɔȳməń mā Kɔ́ɔ̄ɓē. I ndū najə̄ kə́ a to ngándáńg tām̄ yāsí tə́.

Ré ngáńsí gə̄ a dəjen̄sí kum anī, ə́daīdə́ na i dā̰ kə́ tɔ̄l̄ ba tun̄ kadə̄ Kɔ́ɔ̄ɓē tām̄ yā nāā Pákə tə́. Kété dan ń ngán Israel gə̄ i dɔ nang kə́ Ejiptə tə́ ní, Kɔ́ɔ̄ɓē na ənī yo dɔ de kə́ Ejiptə gə̄ tə́ ba na mān̄ dɔ de kə́ kem kújə yāsí gə̄ tə́ karī, na ajə de gə̄ yāsí gə̄ na i tītə̄ ń noō. Anī ngán Israel gə̄ ɔsən̄ nodə́ nang tə́ no Kɔ́ɔ̄ɓē tə́.