Популярні біблійні вірші з မဿဲ 28

Поділитись

ကမ္ဘာပေါ်တွင်ရှိသည့် တိုင်းနိုင်ငံအားလုံးသို့သွား၍ လူမျိုးအပေါင်းတို့ကို ငါ၏နောက်လိုက်တပည့်တော်များ ဖြစ်စေလျက် အဖဘုရားရှင်၊ သားတော်နှင့် ဉာဏ်အလင်းတော်၏အမည်နာဖြင့် ရေနှစ်မင်္ဂလာပေးကြလော့။ သင်တို့အား ငါသင်ပေးထားသမျှ အရာအားလုံးကို စောင့်ထိန်းလိုက်နာရန် သူတို့အား သွန်သင်ပေးကြလော့။ ငါသည်လည်း ကပ်ကမ္ဘာကုန်ဆုံးသည့်အချိန်အထိ သင်တို့နှင့်အတူတူ အမြဲရှိတော်မူနေမည်” ဟုမိန့်တော်မူ၏။

ထိုအခါ ကိုယ်တော်က သူတို့ထံသို့ ချဉ်းကပ်၍ “ရွှေမြို့တော်နှင့်ကမ္ဘာမြေပေါ်တွင်ရှိသမျှသော အခွင့်အာဏာတို့အား ငါ့ကိုပေးအပ်တော်မူလေပြီ။

ထိုအခါ နတ်ဒေဝါက အမျိုးသမီးတို့အား “မကြောက်ကြနှင့်။ သင်တို့သည် လက်ဝါးကပ်တိုင်ပေါ်တွင်တင်ခံရသည့် ယေရှုကို ရှာနေကြတယ်ဆိုသည်ကို အကျွန်ုပ်သိပါ၏။ သူသည် ဤနေရာတွင်မရှိတော့ပေ။ အကြောင်းမူကား ကိုယ်တော်သည် သူမိန့်မှာထားခဲ့သည့်အတိုင်း အသက်ပြန်ရှင်သွားသည့်အတွက်ကြောင့်ပင်ဖြစ်၏။ ကိုယ်တော် လှဲလျောင်းတော်မူခဲ့သည့် နေရာအား လာကြည့်ကြလော့။

ထို့နောက် ကိုယ်တော်ယေရှုသည် သူတို့အား “မကြောက်ကြနှင့်။ တပည့်တော်တို့အား ဂါလိလဲပြည်သို့သွားရန် သွားပြောကြလော့။ ထိုအရပ်၌ သူတို့သည် ငါအားတွေ့ကြရလိမ့်မည်” ဟုမိန့်မှာတော်မူ၏။

ထိုအခါ ဂျူးပုရောဟိတ်အကြီးအကဲတို့သည် လူမျိုးခေါင်းဆောင်တို့နှင့် တိုင်ပင်ဆွေးနွေးကြကာ စစ်သားတို့အား ငွေအမြောက်အမြားပေး၍ “‘ညအချိန် ငါတို့အိပ်ပျော်နေစဉ် တပည့်တော်များကလာပြီး ယေရှု၏ရုပ်အလောင်းကို ခိုးသွားကြသည်” ဟုပြောကြလော့။ ဤသတင်းသည် ဘုရင်ခံ၏နားသို့ရောက်သွားလျှင် ဘုရင်ခံအား ငါတို့ဖျောင်းဖျပေးမည်။ သင်တို့ မည်သည့်အရာကိုမျှ ပူပင်စရာမလိုပေ” ဟုပြောဆိုကြ၏။ ထိုအခါ စစ်သားတို့သည် ငွေကိုယူ၍ သူတို့အား ညွှန်ကြားထားသည့်အတိုင်း ဆောင်ရွက်ကြလေ၏။ ဤသို့ဖြင့် ထိုသတင်းသည် ဂျူးလူမျိုးတို့ကြားတွင် ယနေ့တိုင်အောင်ပျံ့နှံ့လျက်ရှိ၏။