Популярні біблійні вірші з မဿဲ 23

Поділитись

သင်တို့ထဲတွင် အကြီးမြတ်ဆုံးသောသူသည် သင်တို့၏အစေခံဖြစ်ရမည်။

မိမိကိုယ်မိမိ ချီးမြောက်သောသူသည် နှိမ့်ချခံရမည်ဖြစ်ပြီး မိမိကိုယ်မိမိနှိမ့်ချသောသူသည် ချီးမြောက်ခြင်းကို ခံကြရလိမ့်မည်။

သူတော်ကောင်းယောင်ဆောင်ကြသော ဖာရိရှဲများနှင့် ကျမ်းတတ်ဆရာအပေါင်းတို့၊ သင်တို့သည် အလွန်ပင်အမင်္ဂလာရှိကြ၏။ အကြောင်းမူကား သင်တို့သည် ပင်စိမ်း၊ စမုန်စပါး၊ ဇီယာတို့အား ဆယ်ဖို့တစ်ဖို့ပေးလှူကြသော်လည်း ပညတ်တရားများထဲမှ ပို၍အရေးကြီးသော တရားမျှတမှု၊ သနားဂရုဏာထားမှု၊ သစ္စာတရားစောင့်သိမှု စသည်တို့အား ချန်လှပ်ထားကြ၏။ ထိုအရာများကို ပြုလုပ်ရမည်ဖြစ်သော်လည်း ပညတ်တရားထဲတွင်ရှိသော အရေးကြီးသည့်အရာတို့ကိုလည်း ချန်လှပ်မထားသင့်ပါ။

သူတော်ကောင်းယောင်ဆောင်ကြသော ဖာရိရှဲများနှင့် ကျမ်းတတ်ဆရာအပေါင်းတို့၊ သင်တို့သည် အလွန်ပင် အမင်္ဂလာရှိကြ၏။ အကြောင်းမူကား သင်တို့သည် ခွက်နှင့်ပန်းကန်များ၏ အပြင်ဘက်အား သန့်ရှင်းအောင် ဆေးကြောကြသော်လည်း အတွင်းစိတ်ထဲတွင် မတရားလုယူခြင်းများ၊ တစ်ကိုယ်ကောင်းဆန်ခြင်းများနှင့် ပြည့်နှက်နေကြ၏။

အို ဂျေရုဆလင်မြို့၊ ဂျေရုဆလင်မြို့၊ သင်သည် အရိသူတော်စင်များနှင့် ဘုရားရှင်စေလွှတ်တော်မူသော ပုဂ္ဂိုလ်တို့အား ကျောက်ခဲဖြင့်ပစ်ပေါက်သည့်မြို့၊ ကြက်မသည် ကြက်ကလေးများအား သူ၏အတောင်အောက်တွင် စုသိမ်းသကဲ့သို့ ငါသည်လည်း သင်၏လူအားလုံးကို စုသိမ်းရန် အလိုရှိခဲ့သော်လည်း သင်သည် ငါ့အားအလိုမရှိ။

ထိုကဲ့သို့ပင် သင်တို့သည်လည်း အပြင်ပန်းတွင် လူတို့အပေါ် ကောင်းမွန်ဖြောင့်မတ်သကဲ့သို့ ရှိနေကြသော်လည်း အတွင်းစိတ်ထဲတွင်မူ ကောက်ကျစ်မှု၊ လျှို့ဝှက်မှုများ၊ သူတော်ကောင်းယောင်ဆောင်မှုများနှင့် ပြည့်နှက်နေကြ၏။