Популярні біблійні вірші з မဿဲ 22

Поділитись

ကိုယ်တော်က ထိုသူအား “သင်၏အရှင်သခင် ဘုရားရှင်ကို ကိုယ်၊ စိတ်၊ နှလုံးသုံးပါးလုံးနှင့် အကြွင်းမဲ့ယုံကြည်ချစ်ခင်ရမည်။ ဤအရာသည် အကြီးမြတ်ဆုံးနှင့် ပထမဆုံးပညတ်တော်ပင်ဖြစ်၏။ ဒုတိယပညတ်တော်မှာ မိမိ၏အိမ်နီးချင်းကို မိမိကိုယ်မိမိချစ်သကဲ့သို့ ချစ်ခင်ရမည်။

ပညတ်တရားကျမ်းနှင့် အရိယာသူတော်စင်တို့ဟောပြောသင်ကြားခဲ့သောအရာတို့သည် ထိုပညတ်တရား နှစ်ချက်ပေါ်တွင်ပင် မူတည်ထားကြခြင်းဖြစ်၏” ဟူ၍မိန့်တော်မူလေသည်။

အကြောင်းမူကား များစွာသောလူတို့သည် ဖိတ်ခေါ်ခြင်းကို ခံရမည်ဖြစ်သော်လည်း ရွေးကောက်ခြင်းခံရသူမှာ အနည်းငယ်သာရှိလိမ့်မည်” ဟုမိန့်တော်မူ၏။

လူတို့သည် သေဆုံးရာမှ အသက်ပြန်ရှင်သည့်ကာလတွင် လက်ထပ်ထိမ်းမြားခြင်းများကို ပြုလုပ်ကြတော့မည်မဟုတ်သကဲ့သို့ လက်ထပ်ထိမ်းမြားရန် ပေးစားဆောင်နှင်းခြင်းများလည်း ရှိကြတော့မည်မဟုတ်ဘဲ ရွှေမြို့တော်တွင်ရှိသော နတ်ဒေဝါများကဲ့သို့ ဖြစ်ကြမည်ပင်ဖြစ်၏။

အခွန်ဆက်သသောငွေဒင်္ဂါးတစ်ပြားကို ငါ့အား ပြလော့” ဟူ၍မိန့်တော်မူရာ သူတို့သည် ငွေဒင်္ဂါးတစ်ပြားအား ကိုယ်တော့်ထံသို့ ယူဆောင်လာလေ၏။ ကိုယ်တော်ယေရှုသည် သူတို့အား “ငွေဒင်္ဂပြားပေါ်တွင်ရှိသော ရုပ်ပုံနှင့်အမည်သည် မည်သူဖြစ်သနည်း” ဟုမိန့်လေသည်။ သူတို့ကလည်း “ဧကရာဇ်၏ရုပ်ပုံနှင့် သူ၏အမည်ဖြစ်ပါ၏” ဟုလျှောက်ကြသောအခါ ကိုယ်တော်က “သို့ဖြစ်လျှင် ဧကရာဇ်နှင့် သက်ဆိုင်သောအရာများအား ဧကရာဇ်ထံပေး၍ ဘုရားရှင်နှင့်သက်ဆိုင်သောအရာများကို ဘုရားရှင်ထံ ပေးကြလော့” ဟုမိန့်တော်မူလေ၏။