Популярні біблійні вірші з ရှင်လုကာ 4

Поділитись

“ဉာဏ်အလင်းတော်သည် ငါနှင့်အတူ ရှိနေတော်မူ၏။ အဘယ်ကြောင့်ဆိုသော် ဆင်းရဲသားများအတွက် မင်္ဂလာသတင်းကောင်းကို ဟောကြားရန်အလို့ငှာ ဘုရားရှင်က ငါ့ကို ရွေးကောက်ထားတော်မူ၍ အကျဉ်းကျနေသူများ လွတ်မြောက်ခြင်းရရန်၊ မျက်စိကွယ်သူများ မြင်စေရန်၊ ဒုက္ခဆင်းရဲခံစားနေရသူများကို လွတ်မြောက်ရာသို့ပို့ဆောင်ရန်နှင့် ဤအချိန်ကာလသည် ဘုရားရှင်မှ သူ၏လူမျိုးတို့အား သူ၏မဟာကရုဏာမေတ္တာတော်ကို ပြသသည့်အချိန်ကာလဖြစ်ကြောင်းကို ကြေညာရန် ငါ့ကိုစေလွှတ်တော်မူပြီဖြစ်သောကြောင့်ဖြစ်၏” ဟူ၍ ဖြစ်၏။

ထိုအခါ ကိုယ်တော်ကလည်း “ကျမ်းစာ၌ သင်၏အရှင်သခင်ဖြစ်တော်မူသည့် ဘုရားရှင်တစ်ပါးတည်းကိုသာလျှင် ဝတ်ပြုရှိခိုး၍ သူ၏အမှုတော်ကိုသာ ထမ်းဆောင်ရမည်ဟုဖော်ပြထား၏” ဟု မာရ်နတ်အား ပြန်လည်ဖြေကြားလိုက်၏။

သို့သော် ကိုယ်တော်က “လူသည် အစားအစာတစ်ခုတည်းဖြင့်သာ အသက်ရှင်ရမည်မဟုတ်၊ ဘုရားရှင်၏နှုတ်ကပတ်တော်နှင့် အသက်ရှင်ရမည်ဟု ကျမ်းစာ၌ ဖော်ပြထားသည်” ဟု မိန့်တော်မူ၏။

ထို့နောက် ကိုယ်တော်ယေရှုသည် ဉာဏ်အလင်းတော်နှင့်အတူရှိတော်မူလျှက် ဂျော်ဒန်မြစ်မှ ပြန်လာပြီး ဉာဏ်အလင်းတော်၏ဦးဆောင်မှုဖြင့် တောကန္တာရထဲသို့ ကြွတော်မူ၏။

ထိုအခါ ကိုယ်တော်ကလည်း “ကျမ်းစာ၌ ‘သင်၏အရှင်သခင်ဖြစ်တော်မူသော ဘုရားရှင်ကို စမ်းသပ်ခြင်းမပြုရ’ ဟုလည်း ဖော်ပြထား၏” ဟုပြန်လည်မိန့်ဆိုလေ၏။

မာရ်နတ်သည်လည်း ကိုယ်တော်အား အမျိုးမျိုးဖြားယောင်းသွေးဆောင်ပြီးနောက် ကိုယ်တော့်ထံမှ ထွက်ခွါသွားကာ နောက်တစ်ချိန် အခွင့်အခါကောင်းကို စောင့်နေလေ၏။

ထို့နောက် မာရ်နတ်သည် ကိုယ်တော်အား အလွန်မြင့်မားသော တောင်ထိပ်ပေါ်သို့ ခေါ်ဆောင်ကာ ကမ္ဘာပေါ်ရှိ တိုင်းနိုင်ငံအားလုံးကို တခဏချင်းတွင် ပြသလိုက်ပြီးနောက် မာရ်နတ်က ကိုယ်တော်အား “ဤတန်ခိုးအာဏာအပေါင်းနှင့် ဘုန်းစည်းစိမ်တို့သည် ငါ၌ပေးအပ်ထားသည်ဖြစ်၍ သင် သို့မဟုတ် ငါပေးလိုသောသူကို ပေးနိုင်၏။ သို့ဖြစ်၍ သင်သည် ငါ့ကို ဝတ်ပြုရှိခိုးလျှင် ဤအရာအားလုံးကို သင့်အား ငါပေးမည်” ဟုဆိုလေ၏။ ထိုအခါ ကိုယ်တော်ကလည်း “ကျမ်းစာ၌ သင်၏အရှင်သခင်ဖြစ်တော်မူသည့် ဘုရားရှင်တစ်ပါးတည်းကိုသာလျှင် ဝတ်ပြုရှိခိုး၍ သူ၏အမှုတော်ကိုသာ ထမ်းဆောင်ရမည်ဟုဖော်ပြထား၏” ဟု မာရ်နတ်အား ပြန်လည်ဖြေကြားလိုက်၏။

တဖန် မာရ်နတ်သည် ကိုယ်တော်အား ဂျေရုဆလင်မြို့ရှိ ဗိမာန်တော်၏အမြင့်ဆုံးနေရာသို့ ခေါ်ဆောင်သွားပြီး “သင်သည် ဘုရားရှင်၏သားတော်မှန်လျှင် ဤနေရာမှ ခုန်ချပြလော့။ အကြောင်းမူကား ကျမ်းစာ၌ ‘ဘုရားရှင်သည် သင့်ကိုစောင့်ရှောက်ရန် နတ်ဒေဝါတို့ကို မိန့်မှာထားသည့်အတွက် သင်၏ခြေကို ကျောက်နှင့် မထိမခိုက်စေရန် နတ်ဒေဝါတို့သည် သင့်ကို သူတို့၏လက်ဖြင့် ချီပင့်ကြလိမ့်မည်’ ဟူ၍ဖော်ပြထားသည်မဟုတ်လော” ဟုဆိုလေ၏။ ထိုအခါ ကိုယ်တော်ကလည်း “ကျမ်းစာ၌ ‘သင်၏အရှင်သခင်ဖြစ်တော်မူသော ဘုရားရှင်ကို စမ်းသပ်ခြင်းမပြုရ’ ဟုလည်း ဖော်ပြထား၏” ဟုပြန်လည်မိန့်ဆိုလေ၏။