Популярні біблійні вірші з James 3

Поділитись

သို့သော် ရွှေမြို့တော်မှဆင်းသက်လာသော ဉာဏ်ပညာသည် ကျွှန်ုပ်တို့အား ဦးစွာပထမ စင်ကြယ်သန့်ရှင်းစေသည်။ ထို့နောက် ငြိမ်းချင်းခြင်းသဘော၊ ငြင်သာသောသဘောနှင့် ပျော့ပျောင်းသောသဘောရှိ၍ ကရုဏာနှင့် ကောင်းကျိုးတို့ဖြင့် ပြည့်စုံသည်။ မျက်နှာလိုက်ခြင်း၊ ဟန်ဆောင်ခြင်းတို့နှင့် ကင်းစင်သည်။

သင်တို့ထဲတွင် မည်သူသည် ပညာရှိဖြစ်ပြီး တတ်သိလိမ္မာသူဖြစ်သနည်း။ ထိုသူသည် ဉာဏ်ပညာ၏ နူးညံ့သိမ်မွေ့မှုအားဖြင့် တည်ရှိသော မိမိ၏လုပ်ဆောင်မှုတို့ကို ကောင်းသောပြုမူနေထိုင်ပုံဖြင့် သက်သေပြပါစေ။

ငြိမ်းချမ်းရေးတည်ဆောက်သူများသည် ငြိမ်းချမ်းခြင်းမျိုးစေ့ကိုကြဲ၍ ဖြောင့်မတ်ခြင်း၏အသီးအနှံကို ရိတ်သိမ်းကြသည်။

အကြောင်းမူကား မနာလိုမှုများ၊ တစ်ကိုယ်ကောင်းဆန်မှုများ ရှိသောအခါ စိတ်ညစ်ညူးခြင်းနှင့် မကောင်းမှုအမျိုးမျိုးတို့ကိုဖြစ်ပေါ်စေနိုင်သည်။

ကျွန်ုပ်တို့သည် လျှာဖြင့် အရှင်ဖြစ်တော်မူသော အဖဘုရားရှင်ကို ချီးမွမ်းကြသကဲ့သို့ ဘုရားရှင်နှင့်သဏ္ဍာန်တူ ဖန်ဆင်းထားသောလူတို့အား ဤလျှာဖြင့်ပင် ကျိန်ဆဲတတ်ကြသည်။ ဤနှုတ်တစ်ခုတည်းဖြင့်ပင် ချီးမွမ်းခြင်း၊ ကျိန်ဆဲခြင်း ပြုတတ်ကြသည်။ ညီအစ်ကိုမောင်နှမတို့ ဤသိုမဖြစ်သင့်ပေ။

လျှာသည် မီးနှင့်တူ၍ အပြစ်ဒုစရိုက်လောကလည်းဖြစ်သည်။ ၎င်းသည် ကျွန်ုပ်တို့၏ ခန္တာကိုယ်အစိတ်အပိုင်းများအနက် တစ်ခုဖြစ်၍ ကျွန်ုပ်တို့၏ကိုယ်ခန္တာတစ်ခုလုံးကို ညစ်ညူးစေကာ ငရဲမှရရှိသောမီးဖြင့် ဘဝတစ်ခုလုံးကိုလည်း လောင်ကျွမ်းစေနိုင်သည်။

သို့သော် လူသားတို့သည် မိမိတို့၏ လျှာကို ယဉ်ပါးအောင်ပြုလုပ်၍ မရနိုင်ကြပေ။ ထိုလျှာသည် ထိန်းချုပ်မရအောင်ဆိုးရွား၍ လူတို့အားသေစေနိုင်သော အဆိပ် တို့ဖြင့်ပြည့်နှက်နေသည်။

ညီအစ်ကို မောင်နှမတို့၊ ဆရာဖြစ်ကြသော ကျွန်ုပ်တို့သည် ပို၍တင်းကျပ်စွာ တရားစီရင်ခြင်းကို ခံရမည်ဖြစ်ကြောင်း သင်တို့သိမှတ်လျက် ဆရာဖြစ်လိုသူ မများစေကြနှင့်။