Популярні біблійні вірші з James 2

Поділитись

ထိုနည်းအတိုင်းပင် ယုံကြည်ခြင်းသည်လည်း လုပ်ဆောင်ခြင်းမရှိဘဲ ၎င်းသက်သက်သာဖြစ်ပါက အသေဖြစ်သည်။

ဝိညာဉ်နှင့်ကင်းကွာသောခန္ဓာကိုယ်သည် အသေဖြစ်သကဲ့သို့ လုပ်ဆောင်ခြင်းမရှိသော ယုံကြည်ခြင်းသည်လည်း အသေဖြစ်သည်။

ညီအစ်ကို မောင်နှမတို့၊ တစ်စုံတစ်ယောက်သည် ယုံကြည်ခြင်းရှိသည်ဟုဆိုသော်လည်း လုပ်ဆောင်ခြင်းမရှိလျှင် မည်သည့်အကျိုးရှိမည်နည်း။ ထိုသို့သောယုံကြည်ခြင်းသည် သူ့အားကယ်တင်နိုင်ပါသလော။

သင်သည် ဘုရားရှင်တစ်ပါးတည်းသာရှိသည်ဟု ယုံကြည်ခြင်းသည်ကောင်းပေသည်။ ဤကဲ့သို့ပင် မကောင်းဆိုးဝါးများသည်လည်း ယုံကြည်ကြ၍ ကြောက်လန့်ကြသည်။

သို့ဖြစ်၍ တစ်စုံတစ်ဦးက “လူတချို့၌ ယုံကြည်ခြင်းရှိ၍ လူတချို့၌ လုပ်ဆောင်မှုရှိသည်” ဟု ပြောလာလျှင် ကျွန်ုပ်သည် “လုပ်ဆောင်ခြင်းမရှိလျှင် သင်၏ယုံကြည်ခြင်းကို မည်သို့ပြနိုင်မည်နည်း။ လုပ်ဆောင်ခြင်းအားဖြင့် ကျွန်ုပ်၏ယုံကြည်ခြင်းကိုသက်သေပြနိုင်သည်” ဟု ပြန်ပြောသည်။

သနားကရုဏာကင်းမဲ့သောသူသည် သနားကရုဏာကင်းမဲ့စွာ တရားစီရင်ခြင်းခံရလိမ့်မည်။ သနားကရုဏာရှိသောသူသည် တရားစီရင်ခြင်းအား ကြောက်လန့်နေရန်မလိုပေ။

လူသည် ယုံကြည်ခြင်းအားဖြင့်သာမဟုတ်ဘဲ လုပ်ဆောင်ခြင်းအားဖြင့်သာ ဖြောင့်မတ်သည်ဟု သတ်မှတ်တော်မူသည်ကို သင်တို့သိမြင်ရပါလိမ့်မည်။

သူ၏ ယုံကြည်ခြင်းသည် သူ၏လုပ်ဆောင်ခြင်းနှင့်အတူဆောင်ရွက်၍ ထိုလုပ်ဆောင်မှုအားဖြင့် ယုံကြည်ခြင်းသည် ပြီးပြည့်စုံခြင်းသို့ ရောက်ရှိသည်ကို သင်တို့တွေ့မြင်ရပါလိမ့်မည်။