Популярні біблійні вірші з Hebrews 9

Поділитись

ထိုနည်းတူစွာ ခရစ်တော်သည်လည်း လူအများအပြား၏ အပြစ်ကိုဖြေလွတ်ရန်အတွက် မိမိကိုယ်ကိုယ် တစ်ကြိမ်တည်းသာ ပူဇော်တော်မူသည်။ ထို့နောက် အပြစ်ဒုစရိုက်ကို သုတ်သင် ဖယ်ရှားရန်အတွက် မဟုတ်ဘဲ မိမိကိုစောင့်မျှော်နေသူတို့အား ကယ်တင်တော်မူရန် ကိုယ်တော်သည် ဒုတိယအကြိမ် ပေါ်ထွန်းတော်မူလိမ့်မည်။

ခရစ်တော်သည် ထာဝရဝိညာဉ်တော်အားဖြင့် အပြစ်အနာအဆာကင်းသော မိမိကိုယ်ကိုယ် ဘုရားရှင်အား ပူဇော်ဆက်သတော်မူသည်။ ခရစ်တော်၏သွေးတော်သည် အသက်ရှင်သောဘုရားရှင်၏အမှုတော်ကို ဆောင်ရွက်နိုင်ကြစေရန် ကျွန်ုပ်တို့၏အသိစိတ်ကို သေခြင်းသို့ပို့ဆောင်ပေးသော အပြစ်မှ ကျွန်ုပ်တို့၏စိတ်ကို မည်မျှပို၍ ကြည်လင်စေတော်မူလိမ့်မည်နည်း။

လူသည် တစ်ကြိမ်တည်းသာသေရပြီးနောက် တရားစီရင်တော်မူခြင်းကို ခံရသည်။

ပညတ်တရားအရ အရာအားလုံးနီးပါးသည် သွေးအားဖြင့်သန့်စင်မှုကိုရရှိကြသည်။ သွေးသွန်းလောင်းခြင်းမရှိလျှင် အပြစ်ခွင့်လွှတ်ခြင်းမရှိ။

ထို့ကြောင့် ဘုရားရှင်ရွေးကောက်တော်မူခြင်းကိုခံရသူတို့သည် ဘုရားရှင်ကတိထားတော်မူသော ထာဝရအမွေကို ရရှိနိုင်ကြစေရန် ခရစ်တော်သည် ပဋိညာဉ်သစ်ကို စီမံပေးတော်မူသည်။ အကြောင်းမှာ ပထမပဋိညာဉ်၏လက်အောက်တွင်ရှိစဉ်အခါက လူတို့ကျူးလွန်ခဲ့သည့်အပြစ်များကို ဖြေလွတ်ပေးရန် အသေခံသူပေါ်ပေါက်ခဲ့ခြင်းကြောင့်ဖြစ်ပေသည်။