Популярні біблійні вірші з Hebrews 10

Поділитись

အချင်းချင်းတွေဆုံဝတ်ပြုသည့်အလေ့အထကို လူအချို့လွှဲရှောင်သကဲ့သို့ ကျွန်ုပ်တို့သည် မလွှဲရှောင်ဘဲ အချင်းချင်းအားပေး တိုက်တွန်းကြလော့။ ကိုယ်တော်ပြန်လည်ကြွရောက်လာမည့်နေ့ရက် နီးကပ်လာသည်ကိုထောက်၍ ကျွန်ုပ်တို့သည် ပို၍တစ်ယောက်ကိုတစ်ယောက် အားပေးတိုက်တွန်းကြကုန်လော့။

ထို့ပြင် ကျွန်ုပ်တို့သည် မေတ္တာထားရန်နှင့် ကောင်းသောအမှုအရာများကိုပြုရန် အချင်းချင်းမည်သို့ တိုက်တွန်းနှိုးဆော်ရမည်ကို ဆင်ခြင်ကြပါစို့။

ကတိတော်ပေးတော်မူသောအရှင်သည် သစ္စာနှင့်ပြည့်စုံတော်မူသောကြောင့် ကျွန်ုပ်တို့သည် မိမိတို့ဝန်ခံသောမျှော်လင့်ခြင်းကို စွဲမြဲစွာဆုပ်ကိုင်ထားကြပါစို့။

ဘုရားရှင်၏အလိုတော်ကို လိုက်လျှောက်နိုင်ရန်နှင့် ကတိတော်ထားသော အရာကိုရရှိနိုင်ရန် သင်တို့သည် သည်းခံစိတ်ရှိရမည်။

သို့ဖြစ်၍ ကျွန်ုပ်တို့သည် မိမိတို့၏စိတ်ကို ဆိုးညစ်သောအသိစိတ်မှ ရှင်းလင်းစေရန် ကိုယ်တော်၏အသွေးတော်ဖြင့် ပတ်ဖျန်းခြင်း၊ ကျွန်ုပ်တို့၏ကိုယ်ခန္ဓာကိုလည်း ရေစင်ဖြင့်ဆေးကြော၍ ရိုးသားသောစိတ်၊ ခိုင်မာသောယုံကြည်ခြင်းတို့ဖြင့် ဘုရားရှင်ထံတော်သို့ ချဉ်းကပ်ကြပါစို့။

ထို့ကြောင့် သင်တို့၏ယုံကြည်စိတ်ချမှုကို စွန့်ပစ်ခြင်းမပြုကြနှင့်။ ထိုယုံကြည်ခြင်းသည် ကြီးမြတ်သောဆုလာဘ်ကို ရရှိစေလိမ့်မည်ဖြစ်သည်။

ကျွန်ုပ်တို့သည် သမ္မာတရားကို သိရှိကြပြီးမှ တမင်တကာ ဆက်လက်အပြစ်ကျူးလွန်နေကြမည်ဆိုပါလျှင် ကျွန်ုပ်တို့၏အပြစ်များအတွက် အပြစ်ဖြေရာပူဇော်သကာရှိတော့မည်မဟုတ်ပေ။ ကျွန်ုပ်တို့သည် တရားစီရင်တော်မူခြင်းကိုလည်းကောင်း၊ ဘုရားရှင်အား ဆန့်ကျင်သောသူတို့အား လောင်ကျွမ်းစေမည့် အမျက်တော်မီးကိုလည်းကောင်း ကြောက်ရွံ့တုန်လှုပ်လျက် စောင့်မျှော်နေကြရန်သာရှိတော့သည်။