Популярні біблійні вірші з Hebrews 13

Поділитись

သင်တို့သည် ငွေအတွက်အသက်မရှင်ဘဲ ရှိသည့်အရာဖြင့် ရောင့်ရဲလော့။ အဘယ်ကြောင့်ဆိုသော် ဘုရားရှင်က “ငါသည် သင့်ကို မည်သည့်အခါမျှ ထားခဲ့မည်မဟုတ် မည်သည့်အခါမျှ စွန့်ပစ်မည်မဟုတ်”ဟု မိန့်တော်မူခဲ့သောကြောင့်ဖြစ်သည်။

ယေရှုခရစ်တော်သည် မနေ့၊ ယနေ့၊ နောင်ကာလအစဉ်အမြဲ မပြောင်းမလဲဘဲ ရှိနေတော်မူသည်။

ထို့ကြောင့် “ထာဝရဘုရားသည် ကျွန်ုပ်အား ကူညီမစတော်မူသော အရှင်ဖြစ်တော်မူသဖြင့် ကျွန်ုပ်သည် ကြောက်ရွံ့လိမ့်မည်မဟုတ်။ လူသည် ကျွန်ုပ်အား မည်သို့ပြုနိုင်မည်နည်း” ဟု ကျွန်ုပ်တို့သည် ယုံကြည်စိတ်ချစွာနှင့် ပြောဆိုကြရသည်။

သင်တို့သည် အချင်းချင်းအား ကောင်းမှုပြုရန်နှင့် ကူညီမစရန်မမေ့ကြနှင့်။ ထိုသို့သောပူဇော်ခြင်းမျိုးကို ဘုရားရှင်နှစ်သက်တော်မူသည်။

ထို့ကြောင့် ကျွန်ုပ်တို့သည် ကိုယ်တော်ယေရှုပြုခဲ့သောအမှုတော်အားဖြင့် ဘုရားရှင်၏နာမတော်အား ဝန်ခံသောနှုတ်များဖြင့် ချီးမွမ်းခြင်းပူဇော်သကာကို အစဉ်မပြတ်ပူဇော်ကြပါစို့။

ထိမ်းမြားလက်ထပ်ခြင်းကို လူတိုင်းလေးစားကြရမည်။ အိမ်ထောင်ရေးတွင် တစ်ဦးကိုတစ်ဦး သစ္စာရှိရမည်။ ဘုရားရှင်သည် တရားနှင့်မညီသောမေထုန်ပြုသူများနှင့် အိမ်ထောင်ရေးဖောက်ပြန်မှုကျူးလွန်သူများကို တရားစီရင်တော်မူလိမ့်မည်။

သူစိမ်းတို့အား ဧည့်ဝတ်ပြုရန် မမေ့ကြနှင့်။ ထိုသို့ဧည့်ဝတ်ကိုပြုသောသူအချို့တို့သည် နတ်ဒေဝါများကိုပင် အမှတ်မထင် ဧည့်ခံခဲ့ကြပေသည်။

ထာဝရပဋိညာဉ်နှင့်ဆိုင်သော သွေးတော်အားဖြင့် သိုးထိန်းကြီးဖြစ်တော်မူသော ကျွန်ုပ်တို့အရှင်ကိုယ်တော်ယေရှုအား ဘုရားရှင်သည် သေခြင်းမှအသက်ပြန်ရှင်စေတော်မူပြီ။ သင်တို့သည် ငြိမ်သက်ခြင်းအရှင်ဘုရားရှင်၏အလိုတော်ကို ဆောင်ရွက်နိုင်ကြစေရန် ကိုယ်တော်သည် သင်တို့အား ကောင်းမြတ်သောအရာဟူသမျှတို့ဖြင့် ပြည့်စုံစေတော်မူပါစေသော။ ကိုယ်တော်သည် မိမိနှစ်သက်တော်မူဖွယ်ရာကို ယေရှုခရစ်တော်အားဖြင့် ကျွန်ုပ်တို့တွင်ပြုတော်မူပါစေသော။ ထိုအရှင်သည် ကမ္ဘာအဆက်ဆက် ဘုန်းအသရေထွန်းတောက်တော်မူပါစေသော။ အာမင်။