Популярні біблійні вірші з Hebrews 12

Поділитись

ထို့ကြောင့် ဤမျှများစွာသောသက်သေတို့သည် ကျွန်ုပ်တို့အားဝိုင်းရံလျက်ရှိသည်ဖြစ်၍ ကျွန်ုပ်တို့သည် အနှောင့်အယှက်ဖြစ်သောဝန်ရှိသမျှကိုလည်းကောင်း၊ မိမိတို့အားတွယ်ကပ်လျက်နေသော အပြစ်ဟူသမျှကိုလည်းကောင်း ဖယ်ရှားပြီးလျှင် ကျွန်ုပ်တို့ရှေ့၌ရှိသော ပန်းတိုင်သို့ရောက်ရန် ဇွဲလုံ့လဖြင့် ပြေးကြကုန်စို့။ ကျွန်ုပ်တို့၏ယုံကြည်ခြင်းကို အစပြုဖြစ်တည်စေတော်မူသော ကိုယ်တော်ယေရှုကို မျက်မှောက်ပြုကြကုန်စို့။ ကိုယ်တော်သည် မိမိရှေ့၌ရှိသော ဝမ်းမြောက်ခြင်းအတွက်ကြောင့် လက်ဝါးကပ်တိုင်တော်ကို ရှက်ကြောက်ဖွယ်အရာဟူ၍ မှတ်တော်မမူဘဲ အသေခံတော်မူပြီးလျှင် ဘုရားရှင်၏ပလ္လင်တော် လက်ယာဘက်တွင် ထိုင်နေတော်မူလေသည်။

ဆုံးမခြင်းခံရသည်မှာ ပျော်ရွှင်စရာမဟုတ်။ ဝမ်းနည်းစရာဟူ၍ ထင်မှတ်ရသော်လည်း ထို့သို့ဆုံးမခြင်းအားဖြင့် လေ့ကျင့်ပေးခံရသူတို့သည်ကား နောင်အခါ၌ ဖြောင့်မတ်ခြင်းတည်းဟူသော ငြိမ်းချမ်းခြင်းအကျိုးကျေးဇူးကို ရရှိခံစားကြလိမ့်မည်ဖြစ်သည်။

လူတိုင်းနှင့်ငြိမ်းချမ်းစွာနေနိုင်ရန်နှင့် မြင့်မြတ်သောဘဝနှင့်နေနိုင်ရန် ကြိုးစားလော့။ မြင့်မြတ်စွာနေထိုင်ခြင်းမရှိသောသူတို့သည် ဘုရားရှင်ကို ဖူးမြင်ရလိမ့်မည်မဟုတ်။

အပြစ်သားတို့၏ ဆန့်ကျင်မှုကို ခံတော်မူသော ကိုယ်တော်၏အကြောင်းကို သင်တို့ဆင်ခြင်ကြလော့။ ထို့ကြောင့် သင်တို့သည် စိတ်ပျက်အားလျော့ခြင်းမရှိကြနှင့်။

ထို့ကြောင့် ကျွန်ုပ်တို့ရရှိကြသည့် နိုင်ငံတော်သည် မတုန်မလှုပ်နိုင်သည်ဖြစ်၍ ကျွန်ုပ်တို့သည် ကျေးဇူးတော်ကိုချီးမွမ်းကြစို့။ ကျွန်ုပ်တို့သည် ကြောက်ရွံ့ရိုသေလျက် ဘုရားရှင်အား နှစ်သက်တော်မူသောနည်းဖြင့် ဝတ်ပြုကိုးကွယ်ကြစို့။

ဘုရားရှင်သည် သင်တို့အား သားသမီးကဲ့သို့ ပြုမူဆက်ဆံတော်မူသဖြင့် သင်တို့သည် ဆုံးမတော်မူခြင်းကို သည်းခံကြမည်ဖြစ်သည်။ ဖခင်မဆုံးမသော သားသမီးဟူ၍ အဘယ်မှာရှိသနည်း။

အကြောင်းမူကား ကျွန်ုပ်တို့၏ဘုရားရှင်သည် လောင်ကျွမ်းစေတတ်သော မီးသဖွယ်ဖြစ်တော်မူသောကြောင့်ပင်ဖြစ်သည်။

လူဖခင်များသည် ကောင်းသည်ဟုထင်မြင်ကြသည့်အတိုင်း ကျွန်ုပ်တို့အား ခဏမျှ ဆုံးမတတ်ကြသည်။ သို့ရာတွင် ဘုရားရှင်မူကား ကျွန်ုပ်တို့၏ကောင်းကျိုးအတွက် မိမိကဲ့သို့ မြင့်မြတ်သန့်ရှင်းနိုင်ကြစေရန် ကျွန်ုပ်တို့အား ဆုံးမတော်မူပေသည်။

သင်တို့သည် အပြစ်ဒုစရိုက်အား တိုက်ခိုက်တွန်းလှန်ကြရာတွင် ယခုအချိန်ထိ သွေးမြေကျသည်အထိ ရင်ဆိုင်မခုခံကြရသေးပေ။