Популярні біблійні вірші з Piripae 1

Поділитись

Ma na ka hoɂa haɂi raemanoha tamana na rae retea Waratoɂo ɂe ka rao hahuɂisia toɂiha rete naia ana ɂau ne ɂe taraɂae wau sii. Ɂe ka rao hahuɂisia toɂiha rete nena ana hairatoa Karaesi Tisasi ka ori mai.

Na ka hoɂa hana raetoɂoha ɂe ana ɂau ɂe ka haɂe ruɂanaɂi kane ruɂu, haɂania manamanataha hana rae ana ɂare ɂutaa ɂe sena ma otooto. Na ka hoɂa ɂuna hana ɂau rae hirisi ana hii ɂare ɂe rete waraɂimori, hana ɂau ka sena ma otooto, raa raa hura taha ana hairatoa Karaesi ka ori mai na.

Mauriha nau ɂaiɂe ɂe ɂana Karaesi. Ma ɂaremara na ka mae, haɂaraa ɂe ka rete aku ruɂu.

Na ka watea raemanoha hana Waratoɂo nau hana rikimana ɂare rete na ka niɂirae taria soɂona ɂau.

Ɂihaitaa na ka raa mai hana reesi ana ɂau, moa ɂe mao, raeku ɂe hana tautaurana ɂau ɂe ka hatonana taɂaa ne ɂau norutoɂo ana Haɂanoroha Rete soɂona Karaesi na ke. Ɂaremara ɂau ka tau ɂuna, ma na ka rao reesia moa noroa ɂau ani uraha hahuru haɂi tai niɂiraeha hana ɂau ka oho taɂi rihi hana ɂahorosi ana waraɂimoriha ana Haɂanoroha Rete na.

Na ka ririo maasia ma maahaneɂia raeku ka namo ana haɂahouha nau raona koti, ma ana na si mara ana taɂena ɂare na ka taua. Ana rikimana ɂare, raeku ɂe hana haɂahane ana Karaesi, mara na rasini tauɂi. Raeku ɂe hana na ka haɂahanea, ɂihaitaa na ani naɂaha kane moa na ka mae.

Waratoɂo ɂe watea hana ɂau hana ɂau ka norutoɂo ana Karaesi, ma ɂua ruɂu, ɂe watea tatahaa hana ɂau ka weo ɂana Karaesi ke raɂo.