Популярні біблійні вірші з AkwaEfese 5

Поділитись

Mweyo, ko kwikara ana Nyambi awa a shima, mu mu temunune. Mu yoye o ku mu endithsiwa mu thsishimo, eci Krisitu oyu wa tu shimine mane no ku pa mwoyo wenthzi mukaci ketu kwikara thsiyambero, munuko o ku roerithsa Nyambi.

Mweyo, mu mamere omu mu yoyera. Mwa yoya eci etomba, unone mu yoye eci owanyanyami. Mu cikwathsithse nawa thsikati thsothsihe, inene ano mayuwa amango.

Mwa penda waine, inene eyo kenge ya ku mipithsa. Unone mu yare Mupepo. Mu ambaure namweya ko membo o kwimbera Nyambi, membo o ku shangara Nyambi no membo o ku mupepo, mwimbere Fumu no ku mu shangara mu micima thzenu. Thsikati thsothsihe no mwinu yoihe mu kanderere kwa Nyambi Tata mu dithzina dya Fumu wetu Yesu Krisitu.

Mweyo, mwa tenda eci etomba, unone mu ereke ku fotithsithsa eshima ya Fumu.

Akwerume, mu shime anuwenu, eci edi a shimine Krisitu kereke no ku cipa yothsinda mukaci kathzo.

Pa kutanga mwekarire mirema, pano honi mwa mwethzi mwa Fumu. Mu yoye eci anu o mwethzi.

Mu cihuthse kushi oandu ku tunderera mu ku remeka Krisitu.

Ambuyama, mu cihuthse kushi thzanuwenu, eci edi mu na kwamanga kwa Fumu.

Uno honi, mukwerume yomuhe a shime munuwenthzi eci edi a cishima thsinda, karo mbuyama a remeke munuwenthzi.

Eci edi ku na ñoriwa ci: “Mweyo, mukwerume kenge a ku thsia tata wenthzi no mama wenthzi no ku cikwata na munuwenthzi, karo awo aidi kenge mba piruka thsirama thsofoci.”

Mwa vanda kwinu yo mirema i shikwathsa thsimweya, unone mu i rete mu mwethzi.