Популярні біблійні вірші з Romo 4

Поділитись

Eparame nipumi Godeme ora pilia kone wisaya. Nipumi Godena wili mandaa misaya ei repara kone laapo na-wisaya. Gupuma nipuna kone rulaisaya eimiri nipu puri ma-palaisaya. Go eina nipumi Godena bi lala puaisaya. Eparame nipumi kone sialo arare Godeme ande wili mandaa meande au ora pilia kone wisaya.

Ande Godena angele wia bukame gupi lea. Neme nee wenaali ambunana apa ma-aulayo ae, lea. Go wili mandaami angelere ora milia. Akepeare Godeme go angele lea. Eparame nipuri Gode repara kone rulaisaya. Go Godere kome wenaali wala ma-endoaya Gode pange ande ale menda na-ainya o na-winya gole angele danda epa wi da Gode.

Naana koae koae auna Godeme Yesu komola epenaya rapaisaya. Gupuma naare nipu rapu rendepona amonoya Yesu wala ma-endaisaya.

Eparameme ande la wisaya angele pape eina pora dia lisayapare gole nipuna kone rulao-aisaya eina su rando rando para aya wenaalina ara aisaya. Ande Godena angele wia bukana wape pisaya rupa: Nena kou nane alapeme wenaali waru andapu alimie, lisaya.

Eparame Gode para kone rulao-aisaya eina Godeme ande angele la wisaya. Godemere Eparame nipuna kou nane ala peme wenaali raayo para ande la wisaya angelere nimi para pakama ginyayanda lawae. Ande Rudule Angele raluaeme wenaali para komea diayapare ande Eparameme pisaya rupa Gode para kone rulao-aeme wenaali para pange dae. Eparamere naa raayona apa manda ayae.

Godeme nimuna pa aunu peme einu repara kone na-wi einuna pange nimuna koae einu kea pea einare nimumi raname komena. Ali mendare nipuna koae au pea einu Godeme na-yarepedeandare gore go alimi raname komapeyae.

Ande Godena angele wia bukanare gupi lea. Eparameme Gode para kone rulao-aisaya. Godemere Eparame nipuna kone rulaisaya eina nipuri rendepona aya ali lisaya.