Популярні біблійні вірші з Romo 3

Поділитись

Wenaali raayome koae au puma aeme eimiri Gode naa Rambamuaya ali repara na-ae papare aema. Go peapare Yesu Keriso repara epemendare Godena yarame komea ei nimu repara pakama ale eimiri nimu kepe rapaya.

Wenaalimi Yesu Keriso para kone rulademendare Godeme nimu rendepona ma-aya. Kerisona angele pangeme wenaali raayo para Godeme go au puaya. Isaraelimi mandu rangala pae wenaali pange Isaraelimi na-mandu rangala pae wenaali raayo mendaa pea.

Godemere Yesu Keriso gumare nipuna do alinau puma komalo ara nipuna wee lopisaya eimiri nipu repara kone rulala peme wenaalina koae au peme einuri randepelena lisaya. Godeme go pea eiri nipuna rendepona au pea ei penameyao wadoame pisaya. Godeme wenaalina koae au peme einu andomayapare nipuri wenaali para yarame komala ara rendaa ambe rana komea na-alisaya. Ambalandare go au pala pisapare ambiare go au pea eiri nipuna rendepona au pea ei penameyao wadoame pea. Godeme go au pea eiri wenaali para nipuri ora rendepona Gode aya penameyao wadoame pea. Go eina pange nipumi Yesu Keriso para kone rulademe wenaaliri rendepona aeme wenaali lea.

Go einaya lawae. Mendame ande Rudule Angelenu pangoma pilianda nipu repara Godeme neere rendepona ale ali pi na-dea. Ande Rudule Angelenumi pi eiri wenaalimi nimuna koae au peme ei walenaya peae.

Mo ande Godena angele wia bukanare gupi lea. Gode para ora rendepona aya ali komenda na-aya, lea. Kone waru rekele puma wi wenaalinda menda na-aeme. Wenaali mendame Godere golenda go waisalo loma waru na-walimi. Alinu raayomere Gode kou naneyaeme. Raayo ora ao-koyaeme. Mendalinda epe au na-puayae. Ora dia.

Go einare gupae. Ali mendame nipuna kone rulada eimi komea Godeme nipu lapo rendepoyao-ainya deae. Ande Rudule Angele pangoma pia eina dia.

Ora diae. Wenaali raayome pereke pereke angele lala-ainya gole Godemere ora angele komea loaya. Ande Godena angele wia bukana wape pea eimiri gupi lea. Gode neeme angele dendare raayome pangomare ora rendepole angele da ae kone siala pilimi. Nee para angele ali mendame ma-rialimindare naare raayo lombai pala pilie lea.