Популярні біблійні вірші з غلاطية 5

Поділитись

أمّا الغلّة د الروح هي المحبّة، الفرْحة، السلام، طول الصبر، اللطف، الصلاح، الإيمان، التواضُع، والتعفّف. ما كاين حتّى شي شريعة ضدّ ديك الأُمور.

كنقول لكُم، ت‍مشّاو في الروح وْما غادي شي تكمّلو شهْوة الجسد،

إدا كنعيشو في الروح، خصْنا نتمشّاو بالروح.

وَلكن الّي هُمَ ديال المسيح صلّبو الجسد مع الرغْبات والشهوات ديالو.

الأعْمال د الجسد معْروفين: الزنا، الفسق، النجاسة، الفجور، عبادة الأصْنام، السحر، الضغينات، العداوات، الغيرة، السخط، المدابزة، الخلافات، الخرْجان، الحسد، القتل، السكرة، الفساد، وأُمور فحال هَدوك. كَنْنبّهكُم دابا، كيفْما عملْتْ من قبل، بلّي الناس الّي كَيْعملو ديك الأُمور ما غادي شي يورتو مُلك اللّٰه.

آ الخوت، أنتُمَ معيّطين نالحُرّيّة، وَلكن ما تسْتَعملو شي الحُرّيّة ديالكُم فحال شي سبّة نالتّسْلية د الجسد، وَلكن خدمو بعضيّاتكُم بالمحبّة.

حيت الشهْوة د الجسد ضدّ الروح، والرغْبة ديال الروح ضدّ الجسد، وْهَدو الجوج كيتضادّو بيناتوم باش ما تعملو شي الّي كتبغيو.

حيت الشريعة كاملة كَتْـتكمّل في كلمة واحدة: "عزّ جارك فحال نفسك."

ما نكونو شي متكبّرين باش ما نسخطو شي على بَعْطنا البعض وْما يكون شي الحسد بيناتنا.

كونو تابتين في الحُرّيّة الّي حرّرنا بِها المسيح وْما تكونو شي عاود تحت النير د العبوديّة.