Популярні біблійні вірші з Baʼuu 20

Поділитись

“Ani WAAQAYYO Waaqa kee kan Gibxii, biyya garbummaatii si baasee dha. “Ati ana malee waaqota biraa tokko illee hin qabaatin.

Ati bifa waan ol samii gubbaa yookaan gad lafa irra yookaan bishaan lafa jalaa keessa jiru kamiitiin iyyuu Waaqa tolfamaa ofii keetiif hin tolfatin. Isaaniif hin sagadin yookaan isaan hin waaqeffatin; ani WAAQAYYO Waaqni kee Waaqa hinaafu kan sababii cubbuu abbootiitiif jedhee ijoollee warra na jibbanii hamma dhaloota sadii fi afuriitti adabee

Akka biyya WAAQAYYO Waaqni kee siif kennu keessa bara dheeraa jiraattuuf abbaa keetii fi haadha keetiif ulfina kenni.

Guyyaa Sanbataa qulqulleessuudhaan yaadadhu.

Maqaa WAAQAYYO Waaqa keetii akkasumaan hin dhaʼin; WAAQAYYO warra akkuma argan maqaa isaa dhaʼan utuu hin adabin hin dhiisuutii.

Guyyoota jaʼa hojjedhu; hojii kee hundas hojjetadhu; guyyaan torbaffaan garuu sanbata WAAQAYYO Waaqa keetii ti. Gaafas hojii tokko illee hin hojjetin; ati yookaan ilmi kee yookaan intalli kee yookaan hojjetaan kee yookaan xomboreen kee yookaan horiin kee yookaan alagaan magaalaa kee keessa jiraatu tokko iyyuu homaa hin hojjetin.

Mana namaa hin hawwin. Niitii namaa yookaan hojjetaa isaa yookaan xomboree isaa yookaan qotiyyoo isaa yookaan harree isaa yookaan waan namaa kam iyyuu hin hawwin.”

Ollaa keetti sobaan dhugaa hin baʼin.

Hin ejjin.

Hin ajjeesin.

Hin hatin.